Erməni mediası Ankara və Moskvanın Qarabağ üzrə razılaşdığını iddia edib. Separatçıların keçmiş “XİN rəhbəri” Arman Melikyanın fikrincə, İrəvan ərazilərin qaytarılmasına imza atıb. Mosulun İŞİD-dən azad edilməsi üçün keçirilən əməliyyat üçüncü gününə daxil olub. Qərb mediası isə İraq ordusu və ABŞ-ın başçılıq etdiyi koalisiya güclərinə “faciə” vəd edib. Türkiyə prezidenti Rəcəb Tayyib Ərdoğan hücum strategiyasını elan edərək “Misaki Milli”ni növbəti dəfə gündəmə gətirib.
Ərdoğan və Putin Qarabağ üçün razılaşdı – Ankaranın ŞƏRTLƏRİ
Erməni politoloqu Manvel Sarisyanın iddiasına görə, Türkiyə-Rusiya münasibətləri düzələndən sonra məntiqi olaraq erməni məsələsi gündəmə gəlməli idi və Türkiyənin irəli sürdüyü tələb Rusiya tərəfindən qəbul edilib.
“Ankara 5 rayonun Azərbaycana qaytarılmasını təklif edib. Moskva
da bunu qəbul edib. Rusiya da erməni-türk münasibətlərinin
normallaşması şərtini irəli sürüb. Türkiyə şərtlərinin qəbul
ediləcəyi halda, bu tələblə razılaşıb”, - politoloq deyib.
O, Rusiyanın istəkləri qarşılığında Bakının da şərtlərinin olduğunu
bildirib: “Bakı bəyan edir ki, Qarabağı qaytarın və biz Avrasiya
İqtisadi İttifaqına giriş haqda düşünək. Rusiya Türkiyə və
Azərbaycanla münasibətlərə önəm verir. Burada Ermənistan sadəcə
alətdir. Maraqlıdır ki, Kollektiv Təhlükəsizlik Müqaviləsi
Təşkilatının iclasında Serj Sarkisyan prezidentlərin birgə
bəyanatını oxumadı. Çünki bu, Qazaxıstan və Türkiyənin xoşuna
gəlməyə bilər. Hesab etmək olar ki, Rusiya Sarkisyanın bəyanatı
oxumasına icazə verməyib. Ermənistanı bu prosesdə xırda pul
adlandırmaq olar”.
Qondarma “DQR”-in keçmiş “XİN rəhbəri” Arman Melikyan isə bu fikirdədir ki, İrəvan ərazilərin qaytarılmasına imza atıb: “Bizim könüllü şəkildə qəbul etdiyimiz Madrid prinsipləri yalnız bir variantı özündə ehtiva edir. Bu da ərazilərin qaytarılmasıdır. Biz bu sənədi imzalamışıq”.
Onun sözlərinə görə, Vyana və Sankt-Peterburqda əldə olunmuş razılıqlar da Madrid prinsiplərinin məntiqindən çıxış edir. Erməni siyasətçi qeyd edib ki, İrəvan danışıqlar prosesində nəsə etməsə, hər şey çox gec olacaq.
Azərbaycan Prezidenti İlham Əliyevi Rusiya mediasına
müsahibə verməsi Ermənistanda ciddi rezonans
yaradıb.Ermənistan mediası bunu Serj Sarkisyanın
alçaldılması kimi şərh ediblər.
“İrəvan sammitində Serj Sarkisyanı lağa qoydular, Rusiya mediası
isə İlham Əliyevi şərəfə layiq gördü”, - deyə “1in.am” saytı yazıb.
Sayt yazır ki, Ermənistanın müstəqilliyi sual altındadır: “Buna
səbəb Ermənistan hakimiyyətinin davranışıdır. Rusiya Qarabağ
ssenarilərini işə salır və erməni hakimiyyəti bunun qarşısında
boyun əyir”.
Şəhərin qapısında 20 kəsik baş asdılar - GÖZDAĞI
Mosul əməliyyatının üçüncü günündə şəhərdən qaçış başlanıb. BMT-nin Qaçqınlar üzrə Ali Komissarlığı Mosuldan qaçan təxminən 900 nəfərlik ilk böyük qrupun Suriya sərhədini keçdiyini açıqlayıb. Onlar qaçqın düşərgəsində yerləşdirilib.
İŞİD terror təşkilatı isə mülki əhalinin şəhərdən qaçmasına mane olmaq üçün sərt üsullara əl atır. Təşkilat sakinlərə gözdağı vermək məqsədilə şəhər qapısından 20 kəsilmiş baş asıb. Şəhərdən qaçanlar arasında qadın paltarı geyinən İŞİD üzvlərinin də olduğu bildirilir. Sünni lider və İraqın baş nazirinin keçmiş köməkçisi Saleh Mutlak televiziyadan Mosul əhalisinə “İŞİD-ə qarşı qiyam qaldır” çağırışı edib.
İranın təlim keçdiyi şiə milisləri isə türkman qəsəbəsi olan Telaferə qərb istiqamətdən daxil olacaqlarını bildirib. Bölgədəki mənbələrdən alınan məlumatlara görə, əməliyyatın başlandığı gündən bu günə kimi İŞİD-in 100-dən üzvü öldürülüb.
Amerikan CNN televiziyasının İraq ordusunun komandirlərindən Kasım Əl-Malikiyə istinad edərək verdiyi xəbərə görə, iki zirehli birlik şəhərin kənar məhəllələrinin təxminən 5 kilometrliyindədir.
İraqın Mosul şəhərinin İŞİD-dən azad edilməsi əməliyyatı İraq ordusu və ABŞ-ın başçılıq etdiyi koalisiya gücləri üçün “tam faciə” ilə başa çata bilər. Bu xəbərdarlıqla “The National Interest” nəşrində istefada olan polkovnik Deniel Devis yazıb. Onun sözlərinə görə, koalisiyanı ciddi problemlər gözlədiyini göstərən bütün əlamətlər var. Polkovnik qeyd edir ki, əməliyyat ilk növbədə Mosulun dinc sakinləri üçün faciə ilə başa çata bilər.
“Yaranmış vəziyyət Vaşinqtonun inadkarlığının və hərbi gücün köməyi ilə hamını öz iradəsinə tabe etmək cəhdinin nəticəsidir. Bundan başqa, ABŞ daim mürəkkəb və çoxölçülü problemlərin sürətli həllini tapmağa çalışır. Bu prinsiplərə əsaslanan xarici siyasət daim problemlər gətirir”, - Devis deyib.
“Times” qəzetinin xəbərinə görə, İŞİD Mosulda 150 avtomobil və 250 pilotsuz uçuş aparatına bomba yerləşdirib.Bu, bir tank batalyonunu tamamilə yox etmək üçün kifayət edir. Şəhərdəki İŞİD döyüşçülərinin sayı isə təxminən 5 min nəfərdir.
“Financial Times”in xəbərinə görə, İŞİD döyüşçüləri şəhər ətrafında çoxlu sayda tunel qazıb və bu tunellərdən istifadə edərək geri çəkilib. Terror təşkilatının şəhərin ətrafına çoxlu sayda mina yerləşdirdiyi bildirilir.
Türkiyə mediasının yazdığına görə, Ankara Mosul əməliyyatları üçün hava bazalarından istifadəyə icazə verib.
Mosul əməliyyatları üçün İncirlik və Diyarbəkir hərbi hava bazalarından istifadə ediləcək. Türkiyə ilə əldə edilən razılığa əsasən, Türkiyə Mosul əməliyyatına qatılan hərbiçiləri hərbi hava bazası ilə təmin edəcək. Türkiyənin baş naziri Binəli Yıldırım da açıqlamasında deyib ki, bütün bunlar Türkiyənin Mosul əməliyyatında iştirakını nümayiş etdirir.
Hitlerin dəhşətli silahından istifadə edəcəklər – 2 milyon insan öləcək
ABŞ isə İŞİD-in Mosul şəhərində kimyəvi silahdan istifadə edə biləcəyi barədə xəbərdarlıq edib. Eyni xəbərdarlığı Türkiyənin “Hürriyet” qəzetinin yazarı Abdülkadir Selvi səsləndirib.
Onun sözlərinə görə, İŞİD Mosulda II Dünya Müharibəsi zamanı
Hitlerin istifadə etdiyi zəhərli sarin qazından istifadə edə
bilər.
Abdülkadir Selvi İŞİD-in əlində kimyəvi silahların olduğunu deyib
“Məlumatlara görə, İŞİD bu silahları bir müddət öncə Suriyadan
Mosula gətirib. Terror təşkilatının əlində sarin tərkibli kimyəvi
qaz bombalarının olduğu iddiaları var. Öldürücü təsiri yüksək olan
bu qaz bombaları daha əvvəl Hitler tərəfindən istifadə olunub”.