AMEA-nın magistraturasına qəbul planının layihəsi hazırlanıb

AMEA-nın magistraturasına qəbul planının layihəsi hazırlanıb
20:12 19 Oktyabr 2016
90 Ölkə
Ölkə mətbuatı
A- A+

Bakı. 19 oktyabr. REPORT.AZ/ Azərbaycan Milli Elmlər Akademiyasının (AMEA) elmi bölmə və müəssisələrinin təklifləri əsasında Akademiyanın magistraturasına 2017/2018-ci tədris ili üçün qəbul planının layihəsi hazırlanıb.
"Report"un verdiyi xəbərə görə, bu barədə AMEA-nın prezidenti, akademik Akif Əlizadə Rəyasət Heyətinin növbəti iclasında çıxışında bildirib. Rəyasət Heyəti iclasda planın layihəsini müzakirə edərək təsdiq edib. Elm və Təhsil İdarəsinə planın müəyyən olunmuş qaydada İqtisadiyyat Nazirliyində də təsdiq olunması üçün onlara təqdim etmələrinə dair tapşırıq verilib.
Qeyd edək ki, 2016/2017-ci tədris ili üçün AMEA-nın magistraturasına 19 ixtisas üzrə 56 nəfərin qəbul olunub.
İclasın sonunda bir sıra kadr məsələlərinə baxılıb. Akademik İradə Hüseynova ictimai əsaslarla AMEA-nın Molekulyar Biologiya və Biotexnologiyalar İnstitutunun Bioloji məhsuldarlığın fundamental problemləri şöbəsinin müdiri, aqrar elmləri üzrə fəlsəfə doktoru Afiq Məmmədov AMEA-nın Biologiya və Tibb Elmləri Bölməsinin elmi katibi, biologiya üzrə fəlsəfə doktoru Sara Əliyeva isə Zoologiya İnstitutunun elmi katibi vəzifələrinə təyin olunublar.

Xəbərin orijinal ünvanı: http://report.az/elm-ve-tehsil/amea-nin-magistraturasina-qebul-planinin-layihesi-hazirlanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR