Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"Necə də iyrənc qadındır!" - Trampla Klinton arasında sonuncu debat - FOTO

"Necə də iyrənc qadındır!" - Trampla Klinton arasında sonuncu debat - FOTO

Date: 20 October 2016 10:05

ABŞ prezidentliyinə respublikaçı namizəd Donald Tramp və demokrat namizəd Hillari Klinton bu gün sonuncu debatda qarşı-qarşıya gəliblər. Klinton Nevada ştatında, Las-Veqasda keçiriləcək debatda rəy sorğularına görə, seçkili vəzifə uğrunda ilk dəfə mübazirə aparan respublikaçı namizəd Donald Trampdan daha üstün çıxıb. Bu debat Trampın noyabrın 8-də seçkilərə üç həftə qalmış Klintonun 7 faizlə üstünlüyünü azalda bilməsi üçün sonuncu imkanı kimi qiymətləndirilirdi.

Milli.Az "Amerikanın səsi"nə istinadən bildirir ki, debatın aparıcısı Fox televiziyasının jurnalisti Kris Vallas Tramp və Klintona mühacirət, amerikalıların sosial təminatı, ölkənin uzun müddətli milli borcu, Ali Məhkəməyə təyinatlar, iqtisadiyyat, xarici siyasət və hər bir namizədin prezident vəzifəsinə uyğun olub-olmaması kimi suallarla müraciət edib.

Debatda Respublikaçılar Partiyasından olan namizəd Donald Tramp 8 noyabr seçkilərinin nəticələrini tanıyıb-tanımayacağına aydınlıq gətirməyib. Hillari Klinton bunu "qorxulu məqam" adlandırıb.

Sonuncu olan üçüncü debatda Tramp deyib ki, o, nəticələrin legitim olub-olmamasına dair qərarını açıqlamaq üçün gözləməyə üstünlük verir.

"Mən bunu vaxtı çatanda deyəcəm. Sizi şübhə içərisində saxlayacam", - deyə Tramp bildirib.

Xanım Klinton isə Trampın mövqeyindən dəhşətə gəldiyini billdirib.

Əvvəlki debatlardan fərqli olaraq əsasən siyasətlərin müzakirəsinə yönələn bu debatda Tramp Klintonun kampaniyasının ona qarşı bəzi cinsi zorakılıq ittihamları təbliğatı təşkil etdiyini bildirib.

Danışılan hekayələrin "tamamilə yanlış" olduğunu bildirən Tramp bu ittihamların arxasında Klintonun dayandığını iddia edib. "Heç kəs qadınlara mən hörmət etdiyim qədər hörmət etmir, heç kəs!"

"Donald düşünür ki, qadınları kiçiltmək onu böyüdür. O, qadınların vicdanını, şəxsi dəyərini alçaldır", - deyə sabir dövlət katibi bildirib.

Hillari Klinton Trampın yalnız qadınları deyil, digər azlıqları da alçaltdığını dilə gətirib.

Klinton ABŞ hökumətinin Sosial Təminat Təqaüd Proqramının maliyyələşməsinə kömək etmək üçün vergiləri artıracağını deyib və bildirib ki, Tramp yüksək vergi ödəməkdən yayınmağın yollarını tapmağa çalışmalıdır. "Necə də iyrənc qadındır", - deyə Tramp Klintona dərhal münasibət bildirib.

Namizədlər debatın əvvəlində abort, silaha sahib olma hüququ və mühacirət barədə danışıblar. Ancaq onlar bir-birlərinə aqressiv şəkildə münasibət bildiriblər.

Klinton ABŞ hökumətinin Sosial Təminat Təqaüd Proqramının maliyyələşməsinə kömək etmək üçün vergiləri artıracağını deyib və bildirib ki, Tramp yüksək vergi ödəməkdən yayınmağın yollarını tapmağa çalışmalıdır.

Klinton Trampı Rusiya prezidentinin kuklası adlandırmasının qarşısında milyarder Putinin Klintondan ağıllı olduğunu deyib. Klinton deyib ki, Tramp son kiber-hücumlara görə Rusiya və Putini tənqid etməkdən imtina edib.

Debatda namizədlər Suriya və İŞİD-lə mübarizə yollarından da danışdılar. Hillari Klinton Suriyaya quru qoşunların göndərilməsinin tərəfdarı olmadığını və ABŞ qoşunlarını işğalçı qismində İraqa daxil etməyəcini bildirdi. Donald Tramp isə Mosulun əvvəl "bizdə olduğunu və Hillarinin sayəsində itirildiyini" bildirib.

Debatın sonu isə namizədlərin bir-biri ilə əl sıxışmaması ilə yadda qaldı.

Milli.Az



























































Tags:  iyrənc qadındır Trampla Klinton arasında sonuncu debat FOTO

RƏYLƏR


Top news