Əsas gəliri turizmdən olan Türkiyə bu sektorda 15
milyard itki ilə üzələşəndən sonra ümidini məşhur amerikalı yazıçı
Den Braunun “İnferno” ("Cəhənnəm") romanına bağlayıb.
Publika.az xəbər verir ki, Braunun məşhur romanında baş
verən hadisələrin əsas hissəsi İstanbulda cərəyan edir.
Romanın qəhrəmanı Robert Lenqdon Harvard Universitetinin
simvolistika üzrə professorudur. O, bir gün huşunu itirir, gözünü
açanda isə bütün həyatı alt-üst olur. Yaddaşının böyük hissəsini
itirən Robert özünü tapmaq məcburiyyətindədir və qəfil heç
istəmədiyi və gözləmədiyi missiyanın daşıyıcısına çevrilir: dünyanı
insanlığı məhv edəcək dəhşətli virusdan xilas etmək. Robertin son
mənzili İstanbul olur.
“Cəhənnəmin qapısı İstanbula açılır”.
Den Braun əsərində ikinci başlıq kimi bu sözlərdən istifadə edib.
2013-cü ildə nəşr olunan roman milyonlarla insan tərəfindən oxunub.
Roman nəşr edildiyi ilk on bir həftə ərzində “Nyu-York Times
Bestseller” siyahısında birinciliyini qoruyub.
İndi Braunun romanı əsasında eyni adlı film çəkilir və qarşıdakı
mövsümlərdə yayımlanacağı gözlənilir. Çəkilişlər İstanbulda da
aparılır. Məhz bu amil Türkiyə turizminin xilaskarına çevrilə
bilər.
Türkiyə Turizm Assosasiyasının rəhbəri Timur Bayındır da bu
fikirdədir.
O, bu filmin xarici turistlərin İstanbula qayıtmasına kömək
edəcəyini düşünür.
Den Braunun romanları əsasında əvvəlki ekran işlərində bu təcübə
yaşanıb. Adətən filmdə hadisələrin cərəyan etdiyi yerlərdə turizm
bumu yaşanıb. Ekspertlərin dəyərləndirmələrinə görə, belə
filmlərdən sonra ən azı 50 milyon turist öz marşrut xəttini seçir.
Türkiyə də bu təcrübəyə bel bağlayır.
Den Braunun “Kod Davinçi” və “Mələklərin iblisləri” romanları bu
təcrübəni aydın göstərir. Roman əsasında çəkilmiş filmlərdə
hadisələr İtaliya, Fransa və Böyük Britaniyada cərəyan edir. Hər
şeydən öncə tamaşaçılar bu ölkələrin görməli yerləri ilə filmdə
tanış olurlar. Bununla həmin ölkələrdə ən maraqlı və tarixi yerləri
gəzmək üçün bələdçiyə verəcəkləri 200 avro də ciblərində qalır.
Bu filmlər paralel olaraq turist axınına da zəmin yaradır. Misal
üçün, Fransada vaxtilə “Üç muşketyor”un döyüş yeri kimi tanınan
Sen-Syulpis kilsəsinin ətrafı Den Braunun sayəsində “zəvvar
turizmi”nin başqa istiqamətini məhşurlaşdırdı. İndi kilsənin
divarında bu sözlər yazılıb:
“Diqqət! Sen-Syulpis məbədində “Qraalya” badəsinin
saxlanıldığı yerdə məxfi kartları axtarmaq və “qızılgül xətti”ni
vuraraq yoxlamaq qadağandır”.
Turistlər Den Braunun təsiri ilə romanda-filmdə bəhs edən
hadisələri canlı-canlı yaşamaq üçün həmi yerlərə səyahət edirlər.
Bu, faktiki olaraq, müasir turizmdə əhəmiyyətli rol oynayır.
Və yeni məşhurlaşan kinoturizmin başqa nümunələrini də sadalamaq
mümkündür.
Kinoturizm: turist məşhur, yaxud çox sevdiyi
filmin çəkildiyi yerlərə səyahət edir və filmdəki hadisələri
canlı-canlı yaşamaq, ən azından o atmosferi hiss etmək istəyir. Bu
da faktiki olaraq turizm gəlirlərinin artması deməkdir.
1953-cü ildə çəkilən “Roma tətilləri” filmi kinoturizmin “pioneri”
hesab oluna bilər. Gözəl şahzadənin macəralarından bəhs edən bu
film Romanı ingilisdilli turizm auditoriyasına tanıtdı.
Çəkiliş zamanı baş aktyor Qriqori Pek tərəf müqabili Odri Xepbernlə
zarafat etmək qərarına gəlir. O, Romanın Müqəddəs Məryəm Kilsəsinin
girişindəki “Həqiqətin ağzı”na əlini salır və elə görüntü yaradır
ki, yalan danışdığı üçün daş ağız onun qolunu qoparıb.
Odro bundan çox qorxur. Çox təbii alınan bu səhnə filmə daxil
edilir və ondan sonra Romaya baş çəkən turistlər mütləq “Həqiqət
ağzı”na baş çəkirlər. Adətən cütlüklər öz sevgilərini “Həqiqətin
ağzı”nda sınayırlar. Turist axını o qədər çox oldu ki, Roma
meriyası bu il pulsuz xidməti dayandırdı. Hazırda hər bir turist
əlini “Həqiqətin ağzı”na salmaq üçün 2 avro ödəməlidir.
“Üzüklərin hökmdarı”
Yeni Zelandiyada çəkilmiş bu film ölkəyə 3 milyondan artıq turistin
gəlməsinə səbəb oldu. Yeni Zelandiya Turizm Nazirliyinin məlumatına
görə, ölkəyə gələn turistlərin 75 faizi “Üzüklərin Hökmdarı”
filminin çəkildiyi yerlərə baş çəkir. Xüsusilə Qlenorçi kəndi
turist axını ilə üz-üzə qaldı. İş o yerə çatdı ki, yerli hakimiyyət
yol-nəqliyyat hərəkətinin təşkili üçün işıqforlar quraşdırmağa
məcbur oldu.
Filmin əsas qəhrəmanı Harri Potterin macəraları Böyük
Britaniyanın abbatlıqlarında da turizmin inkişafını stimullaşdırdı.
“VisitBritain” turizm şirkəti Potterin azarkeşləri üçün filmin
çəkildiyi yerlərin siyahısını tərtib etdilər.
“Agent 007: Skayfoll koordinatları”
1960-cı illərdə məşhurlaşan Ceyms Bond filmləri də kinoturizmə
böyük töhfə verib. Sonunculardan sayılan “Agent 007: Skayfoll
koordinatları” filmi Almaniyanın Tirol əyalətində çəkilib. Bu,
əyalətdə qış turizmini sözün əsil mənasında inkişaf etdirdi.
“Taxt Oyunları” serialı
Son illər məşhurlaşan bu film turistlərin Xorvatiyaya marağını
artırıb. Ölkənin paytaxtı indi əsil turizm şəhərinə çevrilib. Bu
serialın məşhurluğu hesabına Xorvatiya “google”də turistlər
tərəfindən ən çox axtarılan söz olub.
Asif
