BƏƏ-nin Azərbaycan iqtisadiyyatının qeyri-neft sektoruna birbaşa investisiyalarının həcmi təxminən 659 milyon dollar təşkil edir.
Trend-in məlumatına görə, bunu İqtisadiyyat Nazirliyinin Dövlətlərarası iqtisadi əməkdaşlıq şöbəsinin müdiri Orxan Məmmədov Bakıda keçirilən Azərbaycan-BƏƏ biznes forumunda deyib.
Onun sözlərinə görə, hazırda Azərbaycanda BƏƏ-dən 223 şirkət fəaliyyət göstərir: "Ölkələrimiz arasında mal dövriyyəsi 2016-cı ilin üçüncü rübünün sonuna olan məlumata görə, 58 milyon dollar təşkil edib".
Nazirliyin nümayəndəsi qeyd edib ki, Azərbaycanla BƏƏ arasında iqtisadi münasibətlər ildən-ilə möhkəmlənir: "Ölkələrimiz arasında möhkəm normativ-hüquqi baza yaradılıb: 30 rəsmi sənəd, o cümlədən investisiyaların təşviqi və qarşılıqlı qorunması haqqında saziş, ikiqat vergitutmanın aradan qaldırılması və başqa mühüm sənədlər imzalanıb".
Milli.Az
