Aktual mövzular: Dollar alış-satışı , Hava haqqında, Məzənnə, Neftin qiyməti

200 manata görə adam öldürən şəxsin qardaşı: "Ağlım kəsəndən xəstədir"

200 manata görə adam öldürən şəxsin qardaşı: "Ağlım kəsəndən xəstədir"

Date: 20 October 2016 15:47

Maştağa qəsəbəsində həmyerlisini qətlə yetirməkdə təqsirləndirilən Tofiq Şəkərovun cinayət işi üzrə məhkəmə prosesi davam edib.

Milli.Az lent.az-a istinadən bildirir ki, hakim Mahmud Ağalarovun sədrliyi ilə keçirilən prosesdə təqsirləndirlən şəxs ifadə verib.
 
O, ifadəsində heç nədən xəbərinin olmadığını deyib.
 
Daha sonra təqsirləndirilən şəxsin anası Kövsərxanım Şəkərova şahid qismində ifadə verib. O bildirib ki, küçədə oğlunun səsinin gəldiyini eşidib: "Evə gətirdim. Polis gəlib oğlumun cinayət törətdiyini bildirdi. Tofiqin ciddi xəstəliyi var, bir neçə dəfə xəstəxanada müalicə alıb. Oğlumun kimə borc verdiyi barədə heç nə bilmirdim. Onun o qədər pulu yox idi".
 
Təqsirləndirilən şəxsin qardaşı Əli Şəkərov ifadəsində T.Şəkərovun uşaqlıqdan ruhi xəstəliyi olduğunu deyib: "Mənim ağlım kəsəndən qardaşım xəstə olub. Qardaşımın evliliyindən 2 uşağı olub. İki dəfə evli olub. Həmin qadınlar da ruhi dispanserdən qaçmışdı. Birinci qadın özünü öldürdü, ikinci qadın isə qaçıb getdi".
 
Məhkəmə noyabrın 3-də davam edəcək.
 
Qeyd edək ki, qətl hadisəsi ötən il noyabr ayının 11-də Sabunçu rayonu Maştağa qəsəbəsi, A.M.Əbdülkərim küçəsində baş verib. Qəsəbə sakini 1977-ci il təvəllüdlü T.Şəkərov aralarında yaranmış mübahisə zəmnində 1987-ci il təvəllüdlü İsmayıl Abdullayevə bıçaqla bir neçə zərbə vurub. Yaralı xəstəxanaya aparılsa da, onun həyatını xilas etmək mümkün olmayıb. Sabunçu Rayon Polis İdarəsinin 14-cü Polis Bölməsinin əməkdaşları hadisədə şübhəli bilinən T.Şəkərovu saxlayaraq istintaqa cəlb edib.
 
Araşdırma zamanı məlum olub ki, T.Şəkərov həmyerlisi İ.Abduləliyevi 200 manata yaxın pul borcuna görə öldürüb.
 
O, Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə ittiham olunur.

Milli.Az


Tags:  200 manata adam öldürən şəxsin qardaşı Ağlım kəsəndən xəstədir

RƏYLƏR


Top news