Aktual mövzular: Dollar alış-satışı , Hava haqqında, Məzənnə, Neftin qiyməti

Maliyyə Bazarlarına Nəzarət Palatası "qara siyahı"nı yeniləyib

Maliyyə Bazarlarına Nəzarət Palatası "qara siyahı"nı yeniləyib

Date: 20 October 2016 16:07

Bakı. 20 oktyabr. REPORT.AZ/ Maliyyə Bazarlarına Nəzarət Palatasının (MBNP) Maliyyə Monitorinqi Xidməti BMT Təhlükəsizlik Şurasının İŞİD və “əl-Qaidə” Sanksiya Komitəsinin qəbul edilmiş qərarına uyğun olaraq barələrində sanksiyalar tətbiq edilməli olan fiziki və ya hüquqi şəxslərin ümumi siyahısını yeniləyib.
"Report"un verdiyi xəbərə görə, dəyişikliyə əsasən, bir nəfər - Nasir Abd-əl-Kərim Abdullah əl-Vahişi (Nasir Abd-al-Karim Abdullah-al Wahishi) siyahıdan çıxarılıb.
Ümumi Siyahının son versiyası Maliyyə Monitorinqi Xidmətinin rəsmi internet səhifəsində (http://www.fiu.az/aze/umumi-siyahi) yerləşdirilib.
Qeyd edək ki, MBNP cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsinin qarşısının alınması sahəsində öz səlahiyyətlərini Maliyyə Monitorinqi Xidməti vasitəsiilə həyata keçirir.
"Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında" qanuna uyğun olaraq, monitorinq iştirakçıları və monitorinqdə iştirak edən digər şəxslər ümumi siyahıda göstərilmiş fiziki və ya hüquqi şəxslərin pul vəsaitlərini və ya digər əmlakını aşkar etdikdə, qanunla müəyyən edilmiş qaydada belə pul vəsaitləri və ya digər əmlakla hər hansı əməliyyatı icra etməməli və bu barədə məlumatı Maliyyə Monitorinqi Xidmətinə təqdim etməlidir.

Tags:  Maliyyə Bazarlarına Nəzarət Palatası qara siyahını yeniləyib

RƏYLƏR


Top news