"Barselona"nın və Uruqvay millisinin hücumçusu Luis Suares ötən mövsümün yekunlarına görə "Qızıl buts" mükafatına layiq görülüb.
Publika.az xəbər verir ki, katalonların ulduz futbolçusu mükafatlandırma mərasimində karyerasını hazırki klubunda bitirmək istədiyini açıqlayıb:
"Barselona"ya minnətdaram ki, məni almaqla bu klubda oynamaq, qollar vurmaq imkanı yaradıb. Komanda yoldaşlarım mənim dəqiq zərbələrimdə mühüm rol oynayırlar. Ümid edirəm ki, burada karyeramı bitirə biləcəyəm. Burada xoşbəxtəm. Futboldan zövq almaq və daha çox uğurlar qazanmaq üçün çalışıram".
Mükafatlandırma mərasimində futbolçunun oğlu Benjamin və qızı Delfina da iştirak ediblər.
