Türkiyənin Elazığ vilayətində 56 yaşlı qadını kütləvi şəkildə zorlayıblar. ANS PRESS-in məlumatına görə, hadisə yanvarın 2-də gecə saatlarında qadının evində baş verib.
İddiaya görə, 4 nəfər naməlum şəxs L.Y.-nin evinə hamamın pəncərəsindən giriblər. Onlar qadını kütləvi şəkildə zorlayıblar. Daha sonra onun 3 mobil telefonunu və pullarını götürüblər.
Şikayət əsasında araşdırmalar başlanıb. Qadını zorlayan 4 nəfərin kimliyi məlum olub. Təcavüzçülərin E.G., B.Ç., Y.Y. və F.B olduqları müəyyən edilib.
Keçirilən əməliyyat tədbirləri nəticəsində onların üstündən qadından oğurlanan 3 mobil telefon və pul tapılıb. Bundan başqa, onlardan narkotik vasitələr götürülüb.
Saxlanılan şəxslər barəsinda cinayət işi başlanıb, araşdırmalar aparılır.
