Türkiyənin Diyarbəkir şəhərində yaşayan 97 yaşlı Şahi Tayurak adlı qadının 450-yə yaxın nəvəsi var.
Axşam.az CNN Türk-ə istinadən xəbər verir ki, yaşlı nənənin gözünün biraz zəif görməsindən başqa, səhhətində heç bir problemin olmadığı bildirilir.
Bir əsrə yaxın yaşı olan Ş.Tayurakın 3 evlilikdən 7 uşağı var. Maraqlısı budur ki, rəsmi qeydiyyatda iyul 1917-ci ildə doğulduğu yazılan qadının ən böyük qızının doğum tarixi isə 6 yanvar 1926-cı il göstərilib. Bu o deməkdir ki, ana və 90 yaşlı qızının arasında 7 yaş fərq var.
Bunun mümkün olmadığını deyən ailə üzvləri iddia edir ki, Şiha nənənin 120-dən çox yaşı var. Lakin, qadın dəqiq yaşını xatırlamır.
Nəvələri rəsmi qurumlara müraciət edərək onun dəqiq yaşının müəyyənləşdirilməsini istəyirlər.
