Samux. 21 oktyabr. REPORT.AZ/ Samux rayonunda fərdi yaşayış evində partlayış baş verib. "Report"un Qərb bürosunun məlumatına görə, partlayış zamanı iki nəfər axğır yaralanıb.
Hələlik hansı səbəbdən baş verdiyi məlum olmayan partlayış Samux rayon sakini, 1961-ci il təvəllüdlü Nacar İsmayılova məxsus evdə qeydə alınıb.
Nəticədə ev N.İsmayılov və onun həyat yoldaşı 1965-ci il təvəllüdlü Zemfira İsmayılova ağır bədən xəsarətləri alıblar. Yaralılar qonşuların köməkliyi ilə Gəncə şəhər Təcili Tibbi Yardım Xəstəxanasına aparılıb.
Həkimlər tərəfindən dərhal tibbi yardım göstərilən hər iki yaralının vəziyyətləri ağır olduğundan Bakı şəhərindəki tibb müəssisələrindən birinə göndərilməsi gözlənilir.
Faktla bağlı Samux Rayon Polis Şöbəsindən araşdırma aparılır.