Aktual mövzular: Dollar alış-satışı , Hava, Məzənnə, Neftin qiyməti

AZAL "Samsung Galaxy Note 7" smartfonlarının daşınmasını tam qadağan edib

AZAL "Samsung Galaxy Note 7" smartfonlarının daşınmasını tam qadağan edib

ABŞ-a elektron cihaz aparmaq qadağan ediləcək (21 Mart 2017 09:12)
ABŞ-a elektron qurğuların daşınması qadağan olunur (21 Mart 2017 04:29)
“Samsung Galaxy S8” yüksəksürətli kamera ilə təchiz ediləcək (18 Mart 2017 12:35)

Tarix: 21 Oktyabr 2016 10:12

Bakı. 21 oktyabr. REPORT.AZ/ "Azərbaycan Hava Yolları" (AZAL) QSC aviareyslərində “Samsung Galax Note 7” smartfonlarının əl yükündə və qeydiyyatdan keçən baqajda daşınmasını tam qadağan edib. 
AZAL-in mətbuat xidmətindən "Report"a verilən xəbər görə, bu qərar ABŞ və bütün dünya üzrə digər sərnişin aviadaşıyıcıları tərəfindən analoji qadağadan sonra qəbul edilib: "Əl yükündə smartfon aşkarlandığı halda telefon sahibi smartfonu yola salan tanışlarından birinə verməyənədək sərnişinin təyyarəyə minməsindən imtina edilə bilər, çünki aviaşirkət hava limanında saxlama xidmətləri vermir". 
Əgər smartfon təyyarənin salonuna bilmədən keçirilibsə, onu dərhal söndürmək və uçuşun başa çatmasınadək söndürülmüş vəziyyətdə saxlamaq lazımdır. Həmin smartfon baqajda aşkar olunarsa, o reysə yüklənməyəcək və sərnişinin tələb etməsinədək hava limanında itirilmiş baqaj bürosuna (Lost & Found) göndəriləcək.
"Başa düşürük ki, təyyarənin göyərtəsində bu telefonun istifadəsinə qadağa sərnişinlərdən bəzilərində narahatlıq yarada bilər, lakin "Azərbaycan Hava Yolları" üçün prioritet ilk növbədə göyərtədə təhlükəsizliyin təmin edilməsidir", - deyə QSC-dən bildirilib.

Teqlər:  AZAL Samsung Galaxy Note smartfonlarının daşınmasını tam qadağan edib



RƏYLƏR


Top xəbərlər