Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bu adamlar məhkəmə hakimi ola bilməyəcəklər

Bu adamlar məhkəmə hakimi ola bilməyəcəklər

Date: 21 October 2016 13:05

Parlamentin müzakirəsinə "Məhkəmələr və hakimlər haqqında" Qanuna dəyişikliklər edilməsi barədə layihə təqdim edilib. Layihədə həm də hakim vəzifəsinə namizəd olmaq istəyənlər üçün yeni tələblər müəyyən edilir. Belə ki, hakim vəzifəsindən intizam qaydasında azad edilmiş şəxslər artıq hakim ola bilməyəcəklər.

Milli.Az xəbər verir ki, bunu Milli Məclisin Hüquq siyasəti və dövlət quruculuğu komitəsinin üzvü Vüsal Hüseynov bildirib.

Millət vəkili qeyd edib ki, hakimlərin işlərə baxarkən qanunvericiliyin tələblərini pozması, hakim etikasına riayət etməməsi, əmək və icra intizamı ilə bağlı qanunvericiliyin tələblərini pozması və "Məhkəmələr və hakimlər haqqında" Qanunla müəyyən edilmiş digər hallar hakimi intizam məsulliyyətinə cəlb etmək üçün əsasdır:

"Yəni bu hallara yol vermiş hakim barəsində aparılmış intizam icraatının nəticəsində hakimin vəzifəsindən azad edilməsi barədə qərar qəbul edilə bilər. Həmçinin, qüvvədə olan qanunvericiliyə əsasən, hakim vəzifəsinə namizədlər imtahan və təlimlərdən müvəffəqiyyətlə keçdikdən sonra ilk dəfə üç il müddətinə təyin olunurlar. Bu müddət bitdikdən sonra keçirilən qiymətləndirmə nəticələrində fəaliyyətləri ilə bağlı çatışmazlıq aşkar edilməzsə, hakimlərin iş müddəti ömürlük uzadılır.

Təklif edilən layihəyə əsasən, həmçinin ilkin 3 il müddətinə təyin edilmiş hakim yuxarıda qeyd edilən bu qiymətləndirmədən keçməzsə, yəni onun müddəti uzadılmazsa, bu halda o 5 il müddətinə təkrar hakim vəzifəsinə namizədlərin seçilməsi üçün imtahanlarda iştirak edə bilməz. Hər iki müddəa hakimlərin fəaliyyətlərində daha məsuliyyətli olmasına töhfə verəcəkdir".

İlkin İzzət

Milli.Az


Tags:  adamlar məhkəmə hakimi ola bilməyəcəklər

RƏYLƏR


Top news