Qan xərçəngindən əziyyət çəkən rejissor Şahin Zəkizadə müəllicəsinin birinci hissəsi başa çatıb.
Axşam.az-ın məlumatına görə, bu haqda rejissorun xanımı Səbinə Zəkizadə xəbər verib. Ş.Zəkizadənin oğlu Seyid Əli ilə fotosunu paylaşan Səbinə bunları qeyd edib:
“Şahinin birinci kurs müalicəsi bitdi. İkinci hissə başlayıb. Hər günümüzə şükür edirik. Ağrıları, çətinlikləri olur. Amma gördüyünüz kimi, pozitivdir. İnşallah, tez bir zamanda evinə qayıtsın”.
Ş.Zəkizadə hazırda Azərbaycan Tibb Universitetinin Tədris Terapevtik Klinikasında müalicəsini davam etdirir.
