Aktual mövzular: Dollar alış-satışı , Hava haqqında, Məzənnə, Neftin qiyməti

"Arvadım başqası ilə mesajlaşırdı, bıçaqladım" - Sevinc Babayevanın oğlu

"Arvadım başqası ilə mesajlaşırdı, bıçaqladım" - Sevinc Babayevanın oğlu

Date: 21 October 2016 18:12

Bu gün Bakı Ağır Cinayətlər Məhkəməsində arvadını bıçaqlamaqda təqsirləndirilən 1989-cu il təvəllüdlü Ayxan Məmmədovun cinayət işi üzrə məhkəmə prosesi davam etdirilib.

Milli.Az qafqazinfo-ya istinadən bildirir ki, hakim Samir Əliyevin sədrliyi ilə ilkin baxış iclası baş tutub.

Təqsirləndirilən A.Məmmədov özünü qismən təqsirli bildiyini, arvadını öldürmək istəmədiyini deyib: "Öldürmək niyyətim yox idi. İstəsəydim, öldürərədim. Onun telefonunda başqası ilə "WhatsApp" mesajlaşmalarını gördüm. Bundan sonra uşağımı götürüb getmək istədim. Nə oldusa da, bundan sonra oldu. Günayı vurdum ki, ağlı başına gəlsin. Həyətə gizlicə girdim, əvvəl Günayı vurdum, o da qonşuya qaçdı. Əlimdəki bıçağın əyildiyini də görmədim, amma qonşular bıçağı görəndə evlərinə qaçdılar". 

Zərərçəkmiş Günay Məmmədova ifadə verərək əri Ayxanın əvvəlcə onu döydüyünü, saçından tutub sürüdüyünü, sonra isə bıçaqladığını deyib: "Ayxan məni bıçağın arxası ilə vuranda oğluma dedim ki, qaçsın. Amma o, məni övladımın gözü önündə bıçaqladı. Mən qaçıb qonşunun evinə getmək istəyirdim, o isə saçımdan tutub çəkirdi.

Ayxan mənə o qədər bıçaq vurdu ki, axırda bıçaq əyildi. Sonra evdən başqa bıçaq götürmək üçün getdi, həmin vaxt mən qaçdım. Kiçik oğlumu marketdən götürüb xəstəxanaya getdim".

Məhkəmə prosesi oktyabrın 28-də davam etdiriləcək.

Qeyd edək ki, A.Məmmədov "Gülər Əhmədova olayı" ilə tanınan Sevinc Babayevanın oğludur. A.Məmmədov 2016-cı ilin fevralın 4-də Binəqədi qəsəbəsində yaşadığı evdə arvadı Günay Əhmədovanı bədənin bir neçə nahiyəsindən, baş, sinə və kürək nahiyəsindən bıçaqlayıb. Xəstəxanaya yerləşdirilən G.Babayevanın həyatını xilas etmək mümkün olub.

A.Məmmədov Cinayət Məcəlləsinin 29, 120-ci (qəsdən adam öldürməyə cəhd) maddəsi ilə təqsirləndirilir.

Mili.Az


Tags:  Arvadım başqası mesajlaşırdı bıçaqladım Sevinc Babayevanın oğlu


RƏYLƏR


Top news