Aktual mövzular: Dollar alış-satışı , Hava haqqında, Məzənnə, Neftin qiyməti

Ağcabədidə 1 ədəd partlamış qrad raketinin qalıqları aşkarlanıb

Ağcabədidə 1 ədəd partlamış qrad raketinin qalıqları aşkarlanıb

Date: 21 October 2016 18:27

Bakı. 21 oktyabr. REPORT.AZ/ Ağcabədi rayonunda 1 ədəd partlamış 9M22U (Qrad) raketinin qalıqları aşkar edilərək götürülüb.
Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) “Report”a verilən məlumata görə, rayonunun Qaraxanlı kəndində 1 ev və həyətyanı sahəyə baxış keçirilib, 1 ədəd partlamış 9M22U (Qrad) raketinin qalıqları aşkar edilərək götürülüb, nəticə olaraq 2 min kv.m ərazi yoxlanılıb.
Ümumilikdə ANAMA tərəfindən bu il aprelin 7-dən oktyabrın 21-dək Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində 647 ev və həyətyanı sahə, 3 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 1 metal anbarı, 30 ferma, əkin sahələri, 1 çaxır zavodu, 1 qoruq ərazisi və 1 çınqıl karxanası ərazisinə baxış keçirilib, 3 947 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 1 ədəd piyada əleyhinə mina (OZM-72), 2 ədəd “siqnal minası”və 42 ədəd tank əleyhinə mina aşkarlanaraq zərərsizləşdirilib.



Tags:  Ağcabədidə ədəd partlamış qrad raketinin qalıqları aşkarlanıb

RƏYLƏR


Top news