Aktual mövzular: Dollar alış-satışı , Hava haqqında, Məzənnə, Neftin qiyməti

Qətlə yetirildikləri yerlərə qayıdan RUHLAR – KABUS FOTOFAKTLAR

Qətlə yetirildikləri yerlərə qayıdan RUHLAR – KABUS FOTOFAKTLAR

Date: 21 October 2016 19:08

Xalq arasında ruhların mövcudluğu ilə bağlı müxtəlif rəvayətlər, söz-söhbətlər hər zaman olub. Mövhumatın, cahilliyin hökm sürdüyü ötən əsrlərdə qeyri-adi varlıqlar haqda söz-söhbətlər, şayiələr xüsusən geniş yayılıb. Qəribədir, elə indinin özündə də ruhların mövcudluğu haqda iddialar var. Özü də inkişaf etmiş ölkələrdə.

Publika.az-ın sizə təqdim etdiyi faktlar Avropa, Amerika qitələrində baş vermiş hadisələrdən bəhs edir.

Bu hadisə Loqan (Qərbi Virciniya) şəhərində baş verib. Polis əməkdaşının həyat yoldaşı olmuş Meymi Turman həm də biznesmenlə sevişirmiş. Bir gün böyürtkən yığan oğlanlar yoldan 15 metr kənarda boğazı kəsilmiş, başından iki güllə zərbəsi almış Meyminin meyitini tapdılar. Bu cinayətdə çox adam şübhəli bilinirdi. Yeri gəlmişkən qeyd edək ki, qadının qətlə yetirilməsinə görə, heç kim cəzalandırılmadı. Amma...

Məsələ burasındadır ki, qatilinin həbs edilməməsi səbəbindən gözü bu dünyada qalan qadın avtobuslarda peyda olurdu. Elə ki, avtobus dayanacaqda saxlayırdı, o, kölgə kimi düşüb gedirdi. Onun əyləşdiyi oturacaq isə yaş olurdu.

25 yaşlı Karen Qriqori bir gün Florida ştatının Qalfport şəhərində yaşayan dostunun evinə köçərək orda yaşamağa başlayır. 1984-cü ilin 23 mayında qonşular evdə qadının qışqırtısını eşidirlər. İki gün sonra Karenin dostu polisə müraciət edərək asayiş keşikçilərindən onun evinə getmələrini xahiş etdi. Çünki qadın telefon zənglərinə cavab vermirdi. Qadın evdə ölü vəziyyətdə tapıldı. Kimsə onu zorlamış və ölənə qədər bıçaqlamışdı.

İstintaq başladı və polis qonşuların ifadəsini aldı. Bu zaman təhqiqatçıların diqqətini yaxınlıqda yaşayan Corc Luisin ifadə verən zaman çaşması, fikirlərini bir neçə dəfə dəyişməsi cəlb etdi. Üstəlik, qatilin evdəki əl izləri də ona aid idi.

Luis azadlıqdan ömürlük məhrum edildi və bir neçə dəfə apelyasiya şikayəti versə də, ömrünü 52 yaşında həbsxanada başa vurdu.

Bundan sonra Karenin öldürüldüyü evdə qəribə hadisələr baş verdi. Məsələn, onun meyitinin 2 gün qaldığı koridorda tez-tez qəhvəyi ləkələr peyda olurdu. Ləkələr ev sahibi tərəfindən nə qədər silinib təmizlənsə də, yenə peyda olurdu.

Bütün bunlar bir yana, qatilin otağa daxil olduğu pəncərə hər dəfə açılanda onun şüşəsi sınır, ev sahibləri ona yeni şüşə salmağa məcbur olurdular. Evin sahibəsi bir neçə dəfə arxasındakı güzgüdə qara üz gördü. Onun anası isə evdə ucadan addım səsləri eşidirdi. Sanki kimsə təhlükədən qaçmağa çalışırdı. Hərçənd evdə bu anda heç kəs yox idi.

ABŞ-ın Okloxama ştatının Avard şəhərində yaşayan 23 yaşlı Mildred Enn Reynolds nahar fasiləsi zamanı ərinin iş yerinə getmək qərarına gəlir. Lakin onun içində yandığı avtomobil kəndarası yolda tapıldı. Hamı bunun faciə olduğunu başa düşdü. Lakin təhqiqat zamanı heç kimin gözləmədiyi faktlar ortaya çıxdı. Meyiti yanmış maşının arxa oturacağında tapılan qadının qadının ayaqqabısı avtomobildən 230 metr, paltosu isə 30 metr məsafədə tapıldı. Onun öldürüldüyü faktı təsdiqlənsə də, bu cinayətə görə heç kim məsuliyyətə cəlb edilmədi, heç şübhəli şəxs qismində saxlanılan da olmadı.

Mildredin ərinin işlədiyi məşq zalının yerində bir gün restoran inşa edildi. 1996-cı ildə qadının ruhu ərinin işlədiyi yerdə göründü.

Bir dəfə restoranın sahibləri masa arxasında gənc qadının oturduğunu görürlər. Xidmətçilər sifariş üçün ona yaxınlaşdıqda qadın yoxa çıxır. Restoranın ziyarətçiləri indi də yanmış saç qoxusundan şikayət edirlər.

Hər şey İngiltərədə 5 yaşından 9 yaşına qədər qızların oğurlanmasından sonra başladı. Həmin qızları boğur, meyitlərini isə Kennok Çeyzdəki qəbiristanlığa atırdılar. Dörd oğurlanmış uşaqdan yalnız doqquz yaşlı biri sağ qaldı.

Qətllər bütün ictimaiyyəti silkələdi və ölkənin tarixində kişilərə qarşı ən genişmiqyaslı “ov” başladı. Polis cinayətkarı axtarırdı. Sonda 39 yaşlı Reymond Lesli Morrisi saxladı. Məlum oldu ki, onun avtomobili qızlardan birinin oğurluğuna cəhd zamanı istifadə edilib. Morris məsuliyyətə cəlb edilib azadlıqdan məhrum olundu və 84 yaşında həbsxanada vəfat etdi.

Onun ölümündən qısa müddət sonra sonra, Kennok Çeyz qəbiristanlığının ziyarətçiləri məzarlığın ərazisində tünd qara gözlü uşaqları gördüklərini dedilər. Ziyarətçilərdən biri bildirdi ki, balaca qızın güldüyünü özü eşidib, daha sonra tünd qara gözlü uşağı gördüyünü dedi.

İki oğlu ilə qəbiristanlıq yaxınlığında meşədə gəzişən Mişel Meyson övladlarının fotosunu çəkir. O, sonra şəkillərə baxanda dəhşətli fakt ortaya çıxdı. Şəklin sağında halqada sıxılmış qara gözlü qızın obrazını açıq-aydın görünür.

Anar Tağıyev


Tags:  Qətlə yetirildikləri yerlərə qayıdan RUHLAR KABUS FOTOFAKTLAR

RƏYLƏR


Top news