Aktual mövzular: Dollar alış-satışı , Hava haqqında, Məzənnə, Neftin qiyməti

Gürcüstanda hərbi avtomobil aşıb, ölən və yaralananlar var

Gürcüstanda hərbi avtomobil aşıb, ölən və yaralananlar var

Date: 22 October 2016 06:13

Bu gün Gürcüstanın Kaxeti bölgəsində Dedopliskaro-Siqnaxi-Tiflis avtomobil magistral yolunda qəza baş verib.

APA-nın Gürcüstan bürosunun gürcü mətbuatına istinadən məlumatına görə, yol-nəqliyyat hadisəsi zamanı “KAMAZ” markalı hərbi avtomobil aşıb. Məlumata görə, avtomobildə 37 hərbçi olub, onlardan biri ölüb. Hadisə zamanı xəsarət alan hərbçilər Dedopliskaro və Tsnori xəstəxanalarına yerləşdirilib. Xəsarət alan 5 əsgər isə Tiflisdə müalicə olunacaq. Onların həyatı üçün təhlükə yoxdur.

Hadisədən xəbər tutan Gürcüstan Müdafiə naziri Levan İzoria dərhal Dedopliskaroya yola düşüb. Nazir hərbçilərə baş çəkib və onların vəziyyəti ilə maraqlanıb. Müdafiə naziri hadisə nəticəsində ölən hərbçinin ailəsinə başsağlığı verib.

Hadisə ilə bağlı Gürcüstan CM-nin 276-cı maddəsi ilə araşdırma başlayıb.


Tags:  Gürcüstanda hərbi avtomobil aşıb ölən yaralananlar var

RƏYLƏR


Top news