Aktual mövzular: Dollar alış-satışı , Hava, Məzənnə, Neftin qiyməti

Almaniya Türkiyənin 35 diplomatının siyasi sığınacaq istədiyini açıqlayıb

Almaniya Türkiyənin 35 diplomatının siyasi sığınacaq istədiyini açıqlayıb

Türk diplomat İsveçrədən siyasi sığınacaq istədi (09 Mart 2017 10:13)
Türkiyənin 136 diplomatı Almaniyadan sığınacaq istədi (25 Fevral 2017 17:38)
Azərbaycanın İsveçrədəki səfirliyinin sürücüsü sığınacaq istəyib (19 Fevral 2017 23:57)

Tarix: 22 Oktyabr 2016 10:47

Bakı. 22 oktyabr. REPORT.AZ/ Türkiyədə Fətullahçı Terror Təşkilatının (FETÖ) 15 iyul uğursuz dövlət çevrilişi cəhdindən sonra Almaniyadan siyasi sığınacaq istəyən türk diplomatların sayı açıqlanıb. 
"Report" NTV-yə istinadən xəbər verir ki, bu barədə Almaniya Daxili İşlər Nazirliyinin müşaviri Günter Krings Yaşıllar Partiyasında millət vəkili seçilmiş Özcan Mutlunun sorğusuna cavab olaraq bildirib. 
Onun sözlərinə görə, Türkiyənin 35 diplomatı və onların ailə üzvləri siyasi sığınacaq almaq üçün Almaniya Federal Qaçqın və Köçkünlər Dairəsinə (BAMF) müraciət edib. Onların tələbləri federal məhkəmələr və prokurorluq tərəfindən ayrı-ayrılıqda dəqiqliklə araşdırılır, məhkəmələr Almaniya və Türkiyənin də qoşulduğu Ekstradisiya haqqında Avropa Konvensiyası əsasında qərar verəcək. 
Qeyd edək ki, Almaniya KİV-ləri iki həftə əvvəl Türkiyənin bu ölkədəki 8 diplomatının FETÖ ilə əlaqəsi olması səbəbindən diplomatik pasportlarının ləğv edildiyi və onlardan 3 nəfərinin də hökumətə sığınacaq üçün müraciət etdiyini yazmışdı. 


Teqlər:  Almaniya Türkiyənin 35 diplomatının siyasi sığınacaq istədiyini açıqlayıb



RƏYLƏR


Top xəbərlər