Aktual mövzular: Dollar alış-satışı , Hava, Məzənnə, Neftin qiyməti

Venesuela Prezidenti: “Azərbaycanla energetika sahəsində qarşılıqlı investisiyalar yatırılması üçün yaxşı imkanlar var”

Venesuela Prezidenti: “Azərbaycanla energetika sahəsində qarşılıqlı investisiyalar yatırılması üçün yaxşı imkanlar var”

Venesuela ordusu Kolumbiyaya daxil oldu (23 Mart 2017 14:14)
Gürcüstan Prezidenti: "Azərbaycanla Gürcüstan arasında münasibətlər mükəmməldir" (17 Mart 2017 15:12)
Qazaxıstan prezidenti Azərbaycana səfər edəcək (07 Mart 2017 17:28)

Tarix: 22 Oktyabr 2016 10:57

Bakı. 22 oktyabr. REPORT.AZ/ Bu gün Azərbaycan Respublikasının Baş naziri Artur Rasi-zadə ölkədə rəsmi səfərdə olan Venesuela Bolivar Respublikasının Prezidenti Nikolas Maduro ilə görüşüb.
“Report”un xəbərinə görə, Baş nazir Artur Rasi-zadə Azərbaycan ilə Venesuelanın siyasi əlaqələrinin yaxşı səviyyədə olduğunu bildirib, ölkələrimizin BMT və digər beynəlxalq təşkilatlarda bir-birini dəstəklədiyini vurğulayıb.
Artur Rasi-zadə iki ölkə arasında iqtisadi münasibətlərin genişləndirilməsi üçün yaxşı potensialın olduğunu qeyd edib, digər sahələrdə də əlaqələrin möhkəmləndirilməsi üçün səylərin artırılmasının vacibliyini söyləyib.
Ermənistan-Azərbaycan, Dağlıq Qarabağ problemi ətrafında söhbət gedərkən, münaqişənin yalnız beynəlxalq hüququn normaları çərçivəsində, Azərbaycanın ərazi bütövlüyü və sərhədlərinin toxunulmazlığı prinsipləri əsasında həllinin vacibliyi qeyd edilib.
Venesuela Prezidenti Nikolas Maduro ölkəsinin Azərbaycan ilə bütün istiqamətlərdə, o cümlədən iqtisadi sahədə əməkdaşlıqda maraqlı olduğunu deyib. O, neft istehsalçısı və ixracatçısı olan Azərbaycanın və Venesuelanın OPEC və qeyri-OPEC dövlətləri ilə əlaqələrinin intensivləşdirilməsinin əhəmiyyətini vurğulayıb.
Prezident Nikolas Maduro müxtəlif sahələrə, o cümlədən energetika sahəsinə qarşılıqlı investisiyalar yatırılması üçün yaxşı imkanların olduğunu bildirib.
Həmçinin turizm, mədəniyyət, kənd təsərrüfatı, maliyyə və digər sahələrdə əməkdaşlığın perspektivləri nəzərdən keçirilib.
Görüşdə qarşılıqlı maraq doğuran məsələlər ətrafında fikir mübadiləsi aparılıb.


Teqlər:  Venesuela Prezidenti Azərbaycanla energetika sahəsində qarşılıqlı investisiyalar yatırılması imkanlar var



RƏYLƏR


Top xəbərlər