Bu gün səhər saatlarında İraqın Kərkük şəhərində İŞİD
üzvləri ilə polislər arasında küçə döyüşləri yenidən başlayıb.
Publika.az “Associated Press”ə istinadən xəbər verir ki,
dünən İŞİD-çilərin hücumunun qarşısının alındığı, bütün
terrorçuların məhv edildiyi açıqlanmışdı. Lakin bu gün səhər
saatlarında döyüşlər yenidən başlayıb.
“Anadolu” agentliyi bildirir ki, Dumiz, 1 iyun və Əsra Mahkudin
küçələrində şiddətli atışmalar gedir.
Qeyd edək ki, dünən terrorçuların hücumu nəticəsində 17 nəfər həlak
olub, 40-dan çox insan yaralanıb.
İŞİD-in Kərkükə hücum etməsində məqsədin Mosul üzərində təzyiqin
azaltmaq olduğu deyilir.
Asif