Aktual mövzular: Dollar alış-satışı , Hava, Məzənnə, Neftin qiyməti

Yeni istifadəçi interfeysi informasiyanı göstərir və insanla birlikdə işləyir (VİDEO)

Yeni istifadəçi interfeysi informasiyanı göstərir və insanla birlikdə işləyir (VİDEO)

Ən sürətli SD kart hazırlanıb (02 Mart 2017 08:05)
“Sony” şirkəti dünyada ən sürətli “SD” kartını təqdim edib (28 Fevral 2017 11:35)

Tarix: 22 Oktyabr 2016 12:35

Beynəlxalq alimlər qrupu Tokioda keçirilən "UIST 2016” konfransında əsas rolu bir neçə kiçik avtonom robotun oynadığı yeni istifadəçi interfeysi təqdim ediblər. “Zooids” adlanan açıq platforma həm informasiyanı göstərir, həm də insanla birlikdə işləyir.

“ICTnews” Elektron Xəbər Xidməti “Vesti” resursuna istinadən yazır ki, tədqiqatçıların sözlərinə görə, platforma hər biri 2,6 sm diametr ölçüsündə təkərlər üzərində xüsusi layihələndirilmiş mikrorobotlar dəstindən, baza radiostansiyasından, optik virtual reallıq üçün yüksəksürətli “DLP” proyektor və əlavə idarəetməsi üçün proqram platforması və texnologiyasından ibarətdir.  

Məlumata görə, kiçik robotlar dəsti canlı orqanizm kimi müxtəlif vəziyyətlər alaraq müəyyən informasiyanı təsvir edir, eləcə də qarışqalar kimi əşyaları yerindən tərpədir. Həmçinin onlar birlikdə hərəkət edərək robotlar dəstinin yerdəyişməsini izləyən kompüterdən təlimatlar alırlar.  

Videodan da göründüyü kimi robotlar telefon gətirə, mətbəx stolu üstündəki qırıntıları təmizləyə bilirlər. Robota dövrə vurduran istifadəçi səsin ucalığını azalda və ya ondan oyunda idarəetmə elementi kimi istifadə edə bilər.

Nizam Nuriyev  





Teqlər:  Yeni istifadəçi interfeysi informasiyanı göstərir insanla birlikdə işləyir VİDEO



RƏYLƏR


Top xəbərlər