Aktual mövzular: Dollar alış-satışı , Hava, Məzənnə, Neftin qiyməti

Futbol üzrə Türkiyə Super Liqasında VIII turun görüşü keçirilib

Futbol üzrə Türkiyə Super Liqasında VIII turun görüşü keçirilib

Türkiyə Super Liqasında baş məşqçi istefası (18 Mart 2017 18:57)
Azərbaycan Premyer Liqası: AZAL-ı məğlub edən "Qarabağ" liderliyə yüksəlib (14 Mart 2017 19:07)
Futbol üzrə Premyer Liqada XXII turun daha bir oyunu keçirilib (13 Mart 2017 20:22)

Tarix: 22 Oktyabr 2016 22:22

Bakı. 22 oktyabr. REPORT.AZ/ Futbol üzrə Türkiyə Super Liqasında VIII turun mərkəzi görüşü bu gün "Qalatasaray" və "Trabzonspor" komandaları arasında keçirilib.
"Report"un məlumatına görə, "Türk Telekom Arena"da oynanılan, baş hakim Fırat Aydınusun idarə etdiyi qarşılaşma qonaqların 1:0 hesablı qələbəsi ilə nəticələnib. Yeganə qolun müəllifi 17-ci dəqiqədə fərqlənən afrikalı legioner Dame N Doye olub.
Bununla da liderlər qrupunda qərarlaşan "Qalatasaray" ilk məğlubiyyətini uzun müddətdir qələbə üzünə həsrət qalan rəqibindən alıb.
Qonaq komandanın İstanbula aparılan heyətində Azərbaycan milli komandasının futbolçusu Ramil Şeydayev də olub. Ancaq baş məşqçi Ersun Yanal onu yenə ehtiyatda saxlamaqla Super Liqada debütünə imkan yaratmayıb.
Qeyd edək ki, 17 xala malik "Qalatasaray" bu məğlubiyyətdən sonra 3-cü pilləyə enib. Lakin "sarı-qırmızılar" ehtiyatda bir oyunu qalan "Başakşehir" və "Beşiktaş"la eyni miqdarda xala malikdir. "Trabzonspor" isə 8 matçdan 10 xalla turnir cədvəlində 10-cu pilləyə yüksəlib.
Türkiyə Super Liqası, VIII tur
20:00. "Qalatasaray" - "Trabzonspor" - 0:1
Qol: Dame N Doye, 17

Teqlər:  Futbol üzrə Türkiyə Super Liqasında VIII turun görüşü keçirilib



RƏYLƏR


Top xəbərlər