FHN dəm qazından zəhərlənən 24 yaşlı qızı xilas etdi

FHN dəm qazından zəhərlənən 24 yaşlı qızı xilas etdi
02:09 23 Oktyabr 2016
48 Digər
Ölkə mətbuatı
A- A+

Zaqatalada 24 yaşlı qız dəm qazından zəhərlənib.

 

Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, bu gecə saat 01 radələrində Zaqatala şəhəri Sülh küçəsindəki evlərdən birində bağlı qapı arxasında bir nəfərin qalması barədə Zaqatala rayon DYMH-ə məlumat daxil olub. FHN-nin Zaqatala rayon DYMH-nin yanğınsöndürən xilasediciləri hadisə yerinə cəlb edilib. Bağlı qapını açaraq içəri daxil olan yanğınsöndürən xilasedicilər otaqda 1992-ci il təvəllüdlü Arzu Alik qızı Qubatovanı huşsuz vəziyyətdə aşkar ediblər. Araşdırma zamanı 24 yaşlı A. Qubatovanın dəm qazından zəhərlənməsi məlum olub. A. Qubatova aidiyyəti üzrə hadisə yerinə çağırılmış Zaqatala rayon Mərkəzi Xəstəxanasının (RMX) Təcili Tibbi Yardım şöbəsinin əməkdaşlarına təhvil verilib.

 

Zaqatala RMX-dan APA-ya bildirilib ki, dəm qazından zəhərlənən A. Qubatova xəstəxananın reanimasiya şöbəsinə yerləşdirilib, vəziyyəti orta-ağır qiymətləndirilir.

 

Faktla bağlı araşdırma aparılır.


Xəbərin orijinal ünvanı: http://news.lent.az/news/257381

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR