Bu gecə Türkiyənin Bursa vilayətində ağır yol qəzası baş verib. Lent.az “Doğan” xəbər agentliyinə istinadən xəbər verir ki, Orhanqazi rayonunda gecə saatlarında toydan qayıdan ailənin olduğu avtomobilin yük maşınına çırpılması nəticəsində 2 nəfər ölüb. Daha 4 nəfər isə yaralanıb.
Bildirilir ki, qəza minik avtomobili baş yola çıxarkən baş verib. Nəticədə sürücü Murad İrmak və 30 yaşlı İmran Tepe vəfat edib. Sürücünün ailə üzvləri və yük maşınının sürücüsü isə xəstəxanaya yerləşdirilib.