Tiflisdə NATO təlimlərinin keçirildiyi Treninq Mərkəzinin yaxınlığında silahlı şəxs zərərsizləşdirilib. Azadliq.org-un məlumatına görə, bu barədə Gürcüstan Müdafiə Nazirliyi məlumat yayıb. Məlumata görə, NATO-Gürcüstan Birgə Təlim və Evolusiya Mərkəzinə naməlum şəxslər girməyə cəhd göstəriblər.
Mühafizə xidmətinə hücum zamanı açılan atəşdən hücumçunun biri ölub, digərləri qaçıb.
Müdafiə Nazirliyinin hərbi polisi hücumun səbəbini araşdırır. Ancaq hücum edənlərin neçə nəfər olduğu barədə hələlik məlumat verilməyib.
Xatırladaq ki, NATO-Gürcüstan Birgə Təlim və Evolusiya Mərkəzi ötən ilin avqustunda açılıb.
