Rusiyanı yox, Azərbaycanı seçən istedad - FOTO

Rusiyanı yox, Azərbaycanı seçən istedad - FOTO
09:05 24 Oktyabr 2016
50 İdman
Ölkə mətbuatı
A- A+

Ramil Şeydayev Azərbaycan millisinin son illərdə yaşadığı hücumçu problemini birdəfəlik həll edə bilər

Milli.Az kaspi.az-a istinadən yazını təqdim edir.

Azərbaycan millisi son illərdə ciddi hücumçu problemi yaşayıb. Millimizdə "vuran ayağ"ın yoxluğu demək olar ki, bütün oyunlarda özünü büruzə verirdi. Hətta bəzi oyunlarda millimizin məşqçilər korpusu sırf hücumçu kimi hansısa yarımmüdafiəçiyə şans verməli olurdu.

ir neçə il öncə isə azərbaycanlı məşqçilər və azarkeşlərin axtardığı hücumçu tapıldı. Ancaq bir problem var idi. Bu istedadlı azərbaycanlı Rusiya futbolunun yetirməsi idi və bu ölkənin aşağı yaş qruplarından ibarət millisində top qovurdu. Həmyerlimiz Rusiyanın aşağı yaş yığmalarında oynasa da, əsas yığma seçimində tarixi vətəninə - Azərbaycana üstünlük verdi. Onun millimizi seçməsi Rusiyada heç də birmənalı qarşılanmadı. Həmyerlimizin istedadını layiqincə dəyərləndirə bilməyən ruslar, yalnız onu itirdikdən sonra necə bir hücumçunu əldən buraxdıqlarını anladılar. Ancaq artıq gec idi. Söhbətin yəqin ki, Ramil Şeydayevdən getdiyini anladınız. DÇ-2018-in seçmə mərhələsinin San Marinoya qarşı səfər oyununda millimizdə debüt edən, Çexiya ilə son oyunda isə ilk dəfə start heyətində meydana çıxan Şeydayev yerli məşqçi və azarkeşlərin həsrətində olduğu hücumçu tipinə çox yaxındı. Gəlin, millimizin yeni qol ümidini yaxından tanıyaq.
 
"Zenit"in yetirməsi
 
Ramil Şeydayev Teymur oğlu 1996-cı il, aprelin 17-də Rusiyanın şimal paytaxtı hesab edilən Sankt-Peterburqda dünyaya gəlib. Onun atası azərbaycanlı, anası isə rusdur. Bir çox piterli uşaq kimi Ramil də kiçik yaşlarından futbola meyl salır. Hər halda, "Zenit" kimi klubu olan şəhərdə futbolun populyar olması təbiidir. Tezliklə "Zenit"in aşağı yaş qruplarına qoşulan Ramil burda özünü yaxşı tərəfdən göstərə bilir və Rusiya millisinin aşağı yaş qruplarının çalışdırıcılarının da diqqətini cəlb edir. 2012-ci ildə Ramil bu ölkənin U-17 millisinə dəvət alır. Şeydayevin Rusiya millisinin aşağı yaş qrupunda ilk ciddi sınağı AÇ-2013-ə təsadüf edir. Slovakiyada təşkil edilən yarışda Rusiya U-17 millisinin heyətində Ramil də yer alır. Qrup mərhələsini 5 xalla 1-ci pillədə tamamlayan Şeydayevli Rusiya millisi yarımfinalda İsveçi, finalda isə İtaliyanı oyunsonrası penaltilər seriyasında məğlub edərək, qitənin ən güclüsü adını qazanır. Ramil həm İsveç, həm də İtaliya ilə qarşılaşmalarda oyunsonrası penaltilər seriyasında dəqiq oynayaraq, komandasının çempionluğuna töhfə verir.

O, yığma ilə yanaşı, klubda da uğurlu oyunlarını davam etdirirdi. Cəmi 18 yaşı olmasına baxmayaraq, "Zenit"in ikinci komandasına dəvət edilən Ramil, rəsmi oyunlarda 2014-cü ilin aprelində debüt edir. O, "Znamya Truda"ya qarşı matçda peşəkar futbolda ilk addımını atır.

Şeydayevin əsas komandaya yol tapması cəmi bir neçə ay çəkir. Həmin ilin 26 oktyabrında Ramil "Zenit"in əsas komandasının heyətində Rusiya Premyer Liqasında ilk oyununa çıxır. Piter təmsilçisinin portuqaliyalı baş məşqçisi Andre Villaş Boaş "Mordoviya" ilə oyunun (5:1) 80-ci dəqiqəsində həmyerlimizi meydana buraxır. 

"Zenit"in əsas komandasında çıxış etdiyi zaman Azərbaycan yığmasına dəvət alan Şeydayev, milli karyerasını Rusiyanın U-19 millisində davam etdirmək qərarına gəlir. O, 2015-ci ilin yayında Rusiyanın U-19 komandasının heyətində Yunanıstanda təşkil edilən Avropa çempionatına yollanır.

Rusiya millisi qrupda keçirdiyi ilk oyunda Hollandiyaya uduzur. İspaniya ilə ikinci oyunda ruslara yalnız qələbə sərf edirdi. Şimal qonşularımız bu vəzifənin öhdəsindən gəlməyi bacarır. Şeydayev isə rusların 3:1 hesablı qələbəsinə bir qolla töhfə verir. Növbəti oyunda Almaniya ilə heç-heçə edən Rusiya millisi qrup birincisi kimi növbəti mərhələyə vəsiqə qazanır. Yarımfinalda meydan sahibi Yunanıstanla qarşılaşan şimal qonşularımız böyük hesabla qalib gələrək (4:0) finala adlayır. Ramil bu oyunda da qol vuraraq, komandasının uğurunda pay sahibi olur. Rusiya millisi yalnız finalda İspaniya yığmasına məğlub olaraq (0:2) gümüş medalla kifayətlənməli olur. Beləliklə, U-17 ilə Avropa çempionatının qalibi olmuş Şeydayev, U-19-la Avropa çempionatının gümüş medalına da yiyələnir.

Şeydayev 2015/16 mövsümündə Rusiyanın birinci divizionunda çıxış edən "Zenit-2" komandasına göndərilir. Ramil "Zenit-2"-də çıxış etdiyi zaman Rusiyanın U-21 millisinə də dəvət alır. Maraqlıdır ki, o, AÇ-2017-nin seçmə mərhələsində Rusiyanın U-21 komandasının heyətində Azərbaycan millisinə qarşı oynamalı olur.

Şeydayev Azərbaycana gəlir, amma...
 
Azərbaycanlı azarkeşlər Şeydayevi millimizin formasında görməyi arzulasa da, o, 2015-ci ilin noyabrın 17-də "Bayıl Arena"da yığmamızın rəqibi kimi meydana çıxır. Oyun Azərbaycan U-21-nin böyük hesablı qələbəsiylə nəticələnir - 3:0. 2015/16 mövsümünün əvvəlində "Rubin"ə icarəyə verilən həmyerlimiz, burda yalnız 1 oyunda şans qazanır. Ancaq 2015/16 mövsümünü Ramilin aktivinə yazmaq olar. Mövsümün qalan hissəsini "Zenit-2"-də - Rusiya birinci divizionunda davam etdirən Ramil 13 oyunda 10 qol, 3 məhsuldar ötürməyə imza atır. Artıq 20 yaşı olan Şeydayevin əsas komandada oynamaq vaxtı çatmışdı. Şeydayev ya böyüklərlə çətin mübarizədə inkişaf etməli, ya da ki, uşaqlarla oynayaraq, elə uşaq kimi də qalmalı idi. Özündəki potensialı hiss edən Ramil Peterburqdakı vəziyyətindən razı deyildi. Çox çəkmir ki, Rusiya mətbuatında da Şeydayevin "Zenit"dən ayrılacağı barədə xəbərlər yayılmağa başlayır. İyulun 5-də isə o, Piter klubunu tərk edir.

Bir çoxlarının Ramilin özünə Rusiya və ya Almaniyada klub tapacağını proqnozlaşdırdığı zaman o, Türkiyədə - "Trabzonspor"da peyda olur. Şeydayev bu ilin 12 iyulunda Qaradəniz təmsilçisi ilə 4 illik anlaşmaya imza atır.

Ramil uzun illər şərəfini qoruduğu "Zenit"dən getmək barədə qərarını bu klubun 2-ci komandasındakı məşqçisi Vladislav Radimova aşağıdakı mesajla çatdırır: "Salam Nikolayeviç! Mən bundan sonrakı karyeramı "Trabzonspor"da davam etdirmək qərarına gəldim. Ümid edirəm ki, doğru seçim etmişəm. Hər şeyə görə sizə təşəkkür edirəm. Mənə sizin rəhbərliyiniz altında çıxış etmək xoş idi. "Zenit" mənə doğma klubdur və burda çox şey öyrəndim. Mən bu komandanın üzvü olduğuma görə fəxr edirəm".

Rusiyada Şeydayevin "Zenit"dən gedişi məyusluqla qarşılanır. Radimovun Ramilin qərarına münasibəti isə belə olur: "Ramil qərar verib. Ümid edirəm ki, bu, doğru seçimdir. Ancaq düşünmürəm ki, ona burda, uşaqlarla oynamaq çətin idi. Çünki burdakı uşaqların hamısının bir yolu var - əsas komandada çıxış etmək. Ramil, biz sənə həmişə azarkeşlik edəcəyik. Çünki sən bizimsən. Çox istərdim ki, səni DÇ-2018-də görüm. Ancaq tamaşaçı yox, oyunçu kimi".

Radimov bu açıqlamanı verəndə, Ramilin bir neçə gün sonra Azərbaycan millisində oynamaq qərarı verəcəyini heç ağlına da gətirmirdi. 
 
"Sən bizə qardaşımızın əmanətisən"
 
Ramil "Trabzonspor"da isti qarşılandı. Tezliklə oyunçularla dil tapan Şeydayev yoxlama oyunlarında şans qazanıb, qol vurmağa da fürsət tapdı. Hətta "Trabzonspor"un rəsmi saytı Şeydayevin fotosunu paylaşaraq, "sən bizə qardaşımızın əmanətisən" mesajını verməklə, futbolçuya böyük bir jest etdi.
Bir müddət sonra isə AFFA Şeydayevin Azərbaycan millisində çıxış etməsilə bağlı FİFA-ya sorğu göndərilməsi barədə açıqlama yaydı. Artıq ruslar təşvişə düşməyə başlamışdılar. Şimal qonşularımız Ramili təkcə "Zenit"in yox, elə Rusiya millisinin də itirdiyini anlamağa başladılar. "Trabzonspor"la müqavilədən cəmi 1 ay sonra FİFA-dan AFFA-ya cavab gəlir - Ramil Şeydayevə Azərbaycan yığmasında çıxış etmək üçün icazəsi verilsin.

FİFA-nın Ramilin Azərbaycan millisində çıxış etməsinə icazə verməsindən sonra rusiyalı mütəxəssislər mətbuata açıqlama verir, Rusiya yığmasının belə bir hücumçunu itirməsinə təəssüfləndiklərini bildirirdilər.  
 
Azərbaycan millisində debüt
 
Nəhayət, yığmamızın baş məşqçisi Robert Prosineçki DÇ-2018-in seçmə mərhələsinin San Marinoyla səfər oyunu üçün nəzərdə tutulmuş siyahıya Şeydayevin də adını daxil etdi. Xorvat mütəxəssis millimizin seçmə mərhələdəki ilk oyununun 89-cu dəqiqəsində Ramili meydana buraxdı. Şeydayev millimizin seçmə mərhələdəki ikinci oyununda bir az daha çox şans qazandı. Ramil bu dəfə Ruslan Qurbanovun əvəzinə, oyunun 80-ci dəqiqəsində meydana daxil oldu. Meydanda qaldığı az müddətdə yaxşı mənada fərqlənən Şeydayevin tezliklə millimizin start heyətində meydana çıxacağını güman etmək olardı. Bu güman Norveç üzərində qələbədən (1:0) cəmi 3 gün sonra özünü doğrultdu. Belə ki, Prosineçki seçmə mərhələnin Çexiyaya qarşı çətin səfər oyununda Ramilə start heyətində şans verdi. Oyuna əlavə olunmuş dəqiqələrdə əvəzlənən Şeydayev qol vura bilməsə də, meydanda ən fəallardan idi. Oyun isə yığmamıza sərf edən hesabla nəticələndi - 0:0.
 
Niyə də yox?
 
Hazırda Azərbaycan millisi DÇ-2018-in seçmə mərhələsində ilk 3 turdan sonra 2-ci pillədə qərarlaşıb. Yığmamız keçirdiyi 3 oyunun 2-də qalib gəlib, 1-də heç-heçə edib. Ancaq Prosineçkinin yetirmələrini qarşıda daha çətin oyunlar gözləyir. Bu oyunlarda isə çox güman ki əsas qol ümidimiz Şeydayev olacaq. Həmyerlimiz "Zenit"dən ayrıldığını açıqladığı zaman məşqçisi Radimov Şeydayevin DÇ-2018-də tamaşaçı yox, oyunçu kimi iştirak etməsini arzuladığını bildirmişdi. Kim bilir, bəlkə də, Ramil DÇ-2018-də yığmamızın heyətində oyunçu kimi çıxış edəcək... Niyə də yox?

Milli.Az




RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Azərbaycanın basketbol yığması Avropa çempionatında uğursuz çıxış edib

21 İyul 2017 14:52

Şok kadrlar: timsah öldürdüyü kişini qaytardı - VİDEO - FOTO

21 İyul 2017 14:52

Lapşin Rusiyaya verilir? - Ədliyyə Nazirliyi

21 İyul 2017 14:49

Bürclərə görə qadınlara necə kişi lazımdır: İntellektual, seksual, səxavətli, sadiq, yoxsa?

21 İyul 2017 14:48

Nərimanovda yaşayış binasında yanğın

21 İyul 2017 14:44

Bakıda 500-ə yaxın adam qida zəhərlənməsindən xəstəxanaya düşdü

21 İyul 2017 14:43

Paytaxtda yaşayış binasında yanğın

21 İyul 2017 14:42

"Qəbələ" köhnə tanışı ilə yenidən görüşəcək

21 İyul 2017 14:42

“Ərim məni əxlaqsız otellərə aparırdı” – HƏBSDƏ OLAN QADIN

21 İyul 2017 14:39

Arvadını əxlaqsızlıq yuvalarına apardı və... - Katibənin əri ilə birgə AĞLAGƏLMƏZ ƏMƏLLƏRİ

21 İyul 2017 14:38

İrem Derici Lider Şahinlə barışdı - FOTO

21 İyul 2017 14:37

Quraşdırılmış antivirus “Android” sistemli qurğuları mühafizə edəcək

21 İyul 2017 14:35

Bir böyrəyini itirən 8 yaşlı Sərvanın o biri böyrəyi də təhlükədə - YARDIM

21 İyul 2017 14:34

Terror təhlükəsi: Hava limanı boşaldıldı

21 İyul 2017 14:34

Nazirlik: Bu il Azərbaycanda 34 minə yaxın şəxs işlə təmin olunub

21 İyul 2017 14:32

IMF Yunanıstana yeni kreditin ayrılmasını təsdiq edib

21 İyul 2017 14:32

BŞTİ: Paytaxtda 2 yeni məktəb binası tikilir

21 İyul 2017 14:32

Daha bir türk serialı bitir

21 İyul 2017 14:32

Yaralılar var: Çində güclü partlayış

21 İyul 2017 14:29

Ukrayna mətbuatı: "Sarkisyan Ermənistanı Şimali Koreyanın aqibətinə sürükləyir"

21 İyul 2017 14:27

Öldürdü, gözlərini çıxartdı, sonra soyunub sevişməyə başladı: iki bacıdan DƏHŞƏTLİ ADDIM - FOTO/VİDEO

21 İyul 2017 14:23

Şəhriyar "Xəzər"ə keçdi - FOTOlar

21 İyul 2017 14:22

Fatih Terimin dava zamanı qaçdığı görüntülər ortaya çıxdı - VİDEO

21 İyul 2017 14:17

Nobel mükafatı laureatının kitabı Azərbaycan dilində işıq üzü görüb

21 İyul 2017 14:17

Məktəb direktorlarının diaqnostik qiymətləndirilməsi aparılacaq

21 İyul 2017 14:17

Novxanı çimərliyində gənc qadını döydülər

21 İyul 2017 14:15

Novxanı çimərliyində iyrənc olay: qadını döydülər

21 İyul 2017 14:14

Soçidə Azərbaycan və Rusiya prezidentləri arasında görüş olacaq

21 İyul 2017 14:12

Bu yol yüzminlərlə insanın işini asanlaşdıracaq - FOTO

21 İyul 2017 14:12

Məşhur uşaq mahnımız Rusiyanın verilişində əcnəbi dildə... - VİDEO

21 İyul 2017 14:12

Lalə Məmmədova qızları ilə belə dincəlir - FOTOlar

21 İyul 2017 14:12

"Oyunçulara dedim ki, başınızı dik tutun" - "Yagelloniya"nın baş məşqçisi

21 İyul 2017 14:12

Toy mərasimi zamanı tavan uçdu: yaralılar var - VİDEO - FOTO

21 İyul 2017 14:12

SORĞU: Bu bayraq hansı ölkəyə məxsusdur?

21 İyul 2017 14:12

İlham Əliyev Putinlə görüşəcək - Soçidə

21 İyul 2017 14:09

Bakıda güclü yanğın: Böyük tıxac yarandı

21 İyul 2017 14:08

Yoxa çıxan Maestro Ceyhunu tapdıq...

21 İyul 2017 14:03

ARDNF proqram təminatı və texniki xidmətlər almaq istəyir

21 İyul 2017 14:02

Müəllimi vəhşicəsinə qətlə yetirən terrorçular öldürüldü - FOTO

21 İyul 2017 13:58

Rusiyadan Lapşinin ekstradisiyası ilə bağlı AÇIQLAMA

21 İyul 2017 13:57

Şagirdi ilə intim münasibət: Şok yazışmaları yayıldı...

21 İyul 2017 13:57

Peskov: "Azərbaycan və Rusiya prezidentləri Soçidə görüşəcəklər"

21 İyul 2017 13:52

“Bakcell”in dəstəyi ilə “Təhsil Avtobusu-2017” Yay Məktəbi başlayır

21 İyul 2017 13:52

"Səbail" Səudiyyə Ərəbistanı klubu ilə bacarmadı

21 İyul 2017 13:52

"Arka sokaklar"ın məşhur cütlüyünün toy tarixi bəlli oldu - FOTO

21 İyul 2017 13:52

Sabah hava belə olacaq

21 İyul 2017 13:51

ABŞ vətəndaşlarına bu ölkəyə getməyi qadağan edəcək

21 İyul 2017 13:48

İş axtaranlar üçün çıxış yolları

21 İyul 2017 13:47

Bakıda piyada yolu keçərkən son anda ölümdən xilas oldu - VİDEO

21 İyul 2017 13:47

VİDEO: Göydə qəribə hadisələr baş verir

21 İyul 2017 13:45