Avropa İttifaqının məsul şəxslərini aparan təyyarənin Malta ərazisində qəzaya uğraması nəticəsində azı 5 nəfər ölüb.
"Report" "Habertürk"ə istinadən xəbər verir ki, hadisə oktyabrın 24-də səhər saatlarında baş verib.
Məlumata görə, təyyarə Avropa İttifaqının Sərhəd Xidmətinin rəsmi nümayəndələrini Maltadan aparırmış. Təyyarə havaya qalxandan az sonra qəzaya uğrayıb və yerə düşüb.
Qəza nəticəsində ölənlərin sayının artacağı istisna edilmir.
Hadisə yerində axtarış-xilasetmə işləri aparılır.
