"Rolling Stones" qrupunun vokalisti Mik Caqqer 8-ci dəfə ata olmağa hazırlaşır.
Axşam.az-ın xarici KİV-ə istinadən məlumatına görə, onun uşağının anası 29 yaşlı balerina Melani Hamrikdir. 73 yaşlı aktyorun 30 yaşlı Melani ilə münasibəti isə uzun çəkməyib. Aktyor hamilə balerinadan ayrılıb. Hətta Melani nəvələri və nəticələri olan müğənninin onun övladına da yaxşı ata olacağını düşünürdü və karyerasını bitirərək Los-Ancelesə köçməyi də planlaşdırırdı.
Lakin bu günlərdə məlum olub ki, M.Caqqer uşağına atalıq edəcəyini öhdəsinə götürsə də, qadınla romantik əlaqələrini bitirib. Bir neçə gün əvvəl M.Hamrik tənha gəzərkən görüntülənib.
Hazırda M.Caqqer 27 yaşlı rus model Maşa Rudenko ilə sevgilidir. Aralarında 46 yaş fərqi isə onların əyləncəsinə mane olmur. İki il əvvəl tanış olan ikili son zamanlar yaxınlaşıblar.
Qeyd edək ki, Mik Caqqerin 5 fərqli qadından 7 uşağı var.
