Aktual mövzular: Dollar alış-satışı , Hava haqqında, Məzənnə, Neftin qiyməti

Hindistanda 21 terrorçu öldürüldü

Hindistanda 21 terrorçu öldürüldü

Date: 24 October 2016 14:22

Hindistanda polisin keçirdiyi xüsusi əməliyyat nəticəsində 21 solyönümlü maoçu-silahlı zərərsizləşdirilib.

Milli.Az report-a istinadən bildirir ki, hadisə ölkənin Andxra-Pradeş və Oriss ştatlarının sərhədlərində oktyabrın 24-də səhər saatlarında baş verib.

Məlumata görə, polis Oriss ştatının Malkanqiri şəhərindən 10 km aralıda, cəngəllikdə yerləşən düşərgədə əməliyyat keçirib. Həmin düşərgədə 50-60 silahlının olduğu bildirilir. 

Qeyd edək ki, Hindistanda naksalitlər adlandırılan maoçu-silahlılar ölkənin Bixar, Çxattisqarx, Carkxand, Oriss və başqa ştatlarında fəaldırlar. Onlar hakimiyyətə qarşı partizan müharibəsi aparırlar.
Naksalitləri qeyri-rəsmi olaraq silahlı kommunistlər də adlandırırlar. 2010-cu ildən onlar 2212 terror aksiyası törədib və hadisələr nəticəsində 1003 nəfər həyatını itirib. Maoların siyasi ideoloqu Çinin keçmiş başçısı Mao Tszedun sayılır. O, 1949-1976-cı illərdə ölkəsini idarə edib. 

Milli.Az


Tags:  Hindistanda 21 terrorçu öldürüldü

RƏYLƏR


Top news