Aktual mövzular: Dollar alış-satışı , Hava haqqında, Məzənnə, Neftin qiyməti

Qurban Qurbanov 155 pillə irəlilədi

Qurban Qurbanov 155 pillə irəlilədi

Date: 24 October 2016 17:07


Dünyanın ən yaxşı məşqçilərinin reytinq siyahısı açıqlanıb. Fanat.Az xəbər verir ki, cədvələ “Barselona”nın baş məşqçisi Luis Enrike başçılıq edir.

 

İspaniyalı mütəxəssisin hesabında 17644 xal var. 2-ci sırada Dieqo Simeone qərarlaşıb. O, liderdən 3058 xal geri qalır. İlk “üçlüy”ü Pep Qvardiola tamamlayır – 13640.

 

Cədvəldə Azərbaycanın iki təmsilçisi də yer alıb. Bunlar “Qarabağ”ın baş məşqçisi Qurban Qurbanov və “Qəbələ”nin çalışdırıcı Roman Qriqorçukdu.

 

Hesabında 1026 xal olan Qurbanov cədvəldə 579-cudu. O, ötən həftə ilə müqayisədə 155 pillə irəliləyib. Bu da onun Qriqorçuku keçməsi ilə nəticələnib. Belə ki, ukraynalı 969 xalla 600-cü yerdə qərarlaşıb. Ötən həftə 596-cı olan ukraynalı 4 pillə geriləyib.

 

Qeyd edək ki, məşqçilərin xal hesablarının dəyişməsinə ötən həftə keçirilən matçlar təsir edib. Təmsilçilərimiz Avropa Liqasının qrup mərhələsində III turun matçlarını keçirib. “Qarabağ” evdə PAOK-u 2:0 hesabı ilə məğlub edib, “Qəbələ” səfərdə “Sent-Etyen”ə uduzub – 0:1. 


(apasport.az)




Tags:  Qurban Qurbanov 155 pillə irəlilədi

RƏYLƏR


Top news