Aktual mövzular: Dollar alış-satışı , Hava, Məzənnə, Neftin qiyməti

Gürcüstan Milli Təhlükəsizlik Şurasına yeni katib təyin edilib

Gürcüstan Milli Təhlükəsizlik Şurasına yeni katib təyin edilib

Kiyev Donbasın blokadasını elan etdi (15 Mart 2017 15:43)
Gürcüstan prezidentinin səlahiyyətləri azaldılır (04 Mart 2017 21:42)
Azərbaycanlı oliqarx şirkət yaratdı - Patruşevin oğlu direktor oldu (01 Mart 2017 17:22)

Tarix: 24 Oktyabr 2016 17:47

Bakı. 24 oktyabr. REPORT.AZ/ Gürcüstan Prezidenti Giorgi Marqvelaşvili reinteqrasiya məsələləri üzrə keçmiş dövlət nazirinin müavini David Rakviaşvilini Milli Təhlükəsizlik Şurasının katibi təyin edib.
"Report" "Sputnik-Gürcüstan"a istinadən xəbər verir ki, MTŞ-nin katibi vəzifəsi keçmiş katib İrina İmerlişvilinin Gürcüstan Konstitusiya Məhkəməsinin hakimi olmasından sonra boşalıb.
"Rakviaşvilinin böyük təcrübəsi var, o, reinteqrasiya məsələləri üzrə dövlət nazirinin müavini kimi çalışıb, Cenevrə danışıqlarında, insidentlərin qarşısının alınması mexanizmində (IPRM) iştirak edib. Buradan irəli gələrək demək olar ki, onun həm ABŞ, həm də Rusiya ilə münasibətlərdə ciddi təcrübəsi var" - G.Marqvelaşvili bildirib.
Prezident həmçinin D.Rakviaşvilinin dövrünün ən görkəmli alpinistlərindən biri olduğunu qeyd edib.
Ümumiyyətlə, Gürcüstan Təhlükəsizlik Şurası ölkənin ali baş komandanı olan prezidentin məşvərətçi orqanıdır. Şura Gürcüstanın milli hərbi strategiyası və müdafiə sisteminin təşkili ilə məşğul olur. Təhlükəsizlik Şurası həmçinin ölkədə müharibə və ya fövqəladə vəziyyət elan etmək səlahiyyətinə malikdir.

Teqlər:  Gürcüstan Milli Təhlükəsizlik Şurasına yeni katib təyin edilib



RƏYLƏR


Top xəbərlər