Türkiyənin yeni səfiri: "15 iyuldan sonra planlar tam aradan qalxmayıb"

Türkiyənin yeni səfiri: "15 iyuldan sonra planlar tam aradan qalxmayıb"
19:04 24 Oktyabr 2016
29 Digər
Ölkə mətbuatı
A- A+

 

Türkiyənin Azərbaycanda yeni təyin olunan səfiri Erkan Özoral iki ölkə arasındakı münasibətlər və gələcək perspektivlərdən danışıb. Lent.az xəbər verir ki, AzərTAc-a müsahibə verən səfir  əlaqələri yüksək səviyyədə olduğunu deyib: “Xüsusən dövlətlərarası münasibətlərdə Türkiyə-Azərbaycan əlaqələrinin və qardaşlığının başqa bir örnəyi yoxdur. Münasibətlərin bu səviyyəsinə görə ortaq tariximizin köklü mirası üzərində möhtərəm prezidentlərimizin qurduğu möhkəm dostluğa və qarşılıqlı faydaya əsaslanan əməkdaşlığımıza borcluyuq. Müasir dövrdə Azərbaycan və Türkiyə bütün sahələrdə bir-birinə dəstək olan ən yaxın strateji müttəfiqdir.

 

Tarix boyunca həm kədərli, həm də sevincli günlərdə bir olan millətimizin qəlbinin eyni ahənglə döyündüyünü görürük. Azərbaycanın 1918-ci ildə azadlıq mübarizəsinə yardım etmək üçün gəlmiş Qafqaz İslam Ordusu, Çanaqqala savaşında azərbaycanlı qardaşlarımızın verdiyi dəstək, ulu öndər Mustafa Kamal Atatürk və ümummilli lider Heydər Əliyev başda olmaqla, hər iki ölkə rəhbərlərinin münasibətlərimizə verdikləri yüksək önəm ortaq keçmişimizin yada düşən ilk səhifələridir. Bu sıraya, həmçinin Azərbaycanın Dağlıq Qarabağ və ətraf rayonlarının işğalının, azərbaycanlı qardaşlarımıza qarşı törədilən insanlıq əleyhinə cinayətlərin dünya ictimaiyyətinin diqqətinə çatdırılması üçün Türkiyənin göstərdiyi cəhdləri də əlavə etmək olar. Tarix boyu müşahidə edilən bu həmrəyliyin ən müasir nümunəsi isə başda cənab Prezident İlham Əliyev olmaqla, Azərbaycan xalqının Türkiyədə 15 iyul dövlət çevrilişi cəhdinə qarşı verdiyi dəstəkdir.

Düşünürəm ki, ölkələrimiz arasındakı dostluq və qardaşlıq bağları heç vaxt sarsılmayacaq. Çünki bu bağlar mənbəyini və gücünü tarixdən, ən əsası isə iki ölkənin qəlbindən alır. Məhz buna görə də bir türk diplomatı üçün Azərbaycanda Türkiyənin səfiri olaraq xidmət etmək çox böyük şərəfdir. Bu şərəfə layiq olmağa, xalqlarımızın keçmişdə və bu gün olduğu kimi, gələcəkdə də əl-ələ verərək, gündən-günə daha da güclənərək hərəkət etməsi üçün bacardığım qədər fayda verməyə çalışacağam. Fürsətdən istifadə edərək, müstəqilliyinin bərpasının 25-ci ildönümünü münasibətilə Azərbaycan xalqını sonsuz məmnunluq və sevinc hisləri ilə təbrik edirəm.

Dostluq və qardaşlığımızın daha da güclənərək davam etməsi üçün bizim üzərimizə düşən əsas vəzifə onsuz da yüksək səviyyədə olan əlaqələrimizin bundan sonra da yüksələn xətlə inkişafına fayda verməkdir. Ölkələrimiz arasında siyasi, iqtisadi, hərbi, təhsil və humanitar sahələr də daxil olmaqla, demək olar ki, bütün istiqamətlərdə sıx əlaqələr qurulub. Hörmətli prezidentlərimiz və digər yüksək səviyyəli dövlət adamları müntəzəm görüşlər keçirirlər. Əlbəttə, bu görüşlər qarşıdakı dövrdə də davam edəcək. Ölkələrimiz üçün də, regionumuz üçün də sabitlik və rifah mənbəyi olan TANAP və Bakı-Tbilisi-Qars kimi böyük enerji və nəqliyyat layihələrinin başa çatdırılması üçün var gücümüzlə çalışacağıq. Eyni qaydada regionda əməkdaşlığa istiqamətlənən, Azərbaycanın və Türkiyənin daxil olduğu üçtərəfli əməkdaşlıq mexanizmlərini inkişaf etdirərək və gücləndirərək bizə verilən tapşırıqlar əsasında fəaliyyət göstərəcəyik.

Zənnimcə, hazırda dünyada yaşanan iqtisadi böhran dövrün ölkələrimiz üçün bəzi imkanlar da yaradır. Azərbaycan hazırda qeyri-neft sektorunun inkişaf etdirilməsi üçün uğurlu iqtisadi islahatlar həyata keçirməkdədir. Bu prosesdə Türkiyənin və türk şirkətlərinin oynaya biləcəyi rolu artırmaq iqtisadi sahədə diplomatik fəaliyyətlərimiz sırasında mühüm yer tutacaq.

Bundan başqa, səfirlik olaraq bir-birimizin mədəniyyətini və incəsənətini daha yaxşı öyrənməyi və təbliğ etməyi nəzərdə tutan müxtəlif layihələri həyata keçirməyi planlaşdırırıq”.

 

Səfir ölkələr arasında iqtisadi əməkdaşlıqdan və gələcək planlar barəsində də fikirlərini bildirib: “Neftin qiymətinin aşağı düşməsi nəticəsində 2015-ci ildə ticarət dövriyyəmizin həcmi müəyyən qədər azalsa da, hesab edirəm ki, bu, müvəqqəti haldır. Qarşıya 2020-ci ilədək 15 milyard dollarlıq ticarət dövriyyəsi səviyyəsinə çatmaq hədəfi qoyulub. Bununla yanaşı, strateji əməkdaşlığımıza xidmət edən qarşılıqlı investisiyaların müsbət nəticələr verdiyini görürük. Bir neçə konkret fakt göstərmək istərdim. Türk şirkətlərinin Azərbaycandakı sərmayələrinin məbləği 9 milyard dollara çatıb. Əsasən telekommunikasiya, bank-sığorta, nəqliyyat, tekstil, mebel, inşaat materialları sahələrində fəaliyyət göstərən 2665 şirkətimiz 25 mindən çox insana iş imkanı təqdim edir. Podratçı firmalarımız Azərbaycanda 2003-cü ildən indiyədək 11 milyard dollar dəyərində 347 layihə həyata keçirib. Azərbaycanın Türkiyədəki sərmayələri isə 4 milyard dolları ötüb. İzmirdə inşası davam edən “Star” neft emalı zavoduna 5,5 milyard dollar investisiya qoymağı planlaşdıran SOCAR-ın enerji və infrastruktur investisiyalarının ümumi məbləğinin 17-20 milyard dollara çatması gözlənilir.  Qarşıdakı dövrdə isə qlobal reallıqları nəzərə alaraq, Azərbaycanın şaxələndirilmiş potensialını daha da inkişaf etdirəcək, yeni iqtisadi mühitdə iş adamlarımızın marağını və sərmayələrin cazibəsini artıracaq birgə imkanlardan istifadə olunmasını araşdıracağıq. Azərbaycan tarixən “İpək yolu”, yəni Şərqdən Qərbə doğru uzanan nəqliyyat marşrutu üzərində bir keçid qapısı rolunu oynayıb. Bu gün Azərbaycan Xəzər hövzəsində logistika mərkəzinə çevrilmək baxımından geostrateji mövqeyinə görə diqqət çəkən ölkədir. Həmin potensialın iş adamlarımız tərəfindən birgə istehsal müəssisələrinin qurularaq dəyərləndiriləcəyi təqdirdə, ikitərəfli ticarətlə yanaşı, üçüncü ölkə bazarlarına da çıxmaq baxımından mühüm imkanlar əldə olunacaq. Beləliklə, şirkətlərimizin Azərbaycanda birgə istehsala istiqamətlənməsi bu baxımdan xüsusi diqqət yetirdiyimiz mühüm məsələdir. Artıq yüksək səviyyədə olan enerji əməkdaşlığı ilə yanaşı, kənd təsərrüfatı, səhiyyə, müdafiə sənayesi sahələrində əməkdaşlıq üçün də mühüm potensial var. Türkiyə özəl sektorunun bu sahələrdə malik olduğu təcrübənin Azərbaycanın potensialı ilə birləşdirilməsini təmin edəcək layihələrə üstünlük verməyi nəzərdə tuturuq”.

 

Erkan Özoral regiondakı qanlı münaqişələr, baş verən geosiyasi hadisələr haqqında da fikirlərini bölüşüb: “Bu proseslər başda Türkiyənin təhlükəsizliyi olmaqla, bütün regionu təhdid edir. Türkiyə qonşularının ərazi bütövlüyünə hər zaman hörmətlə yanaşıb. Ancaq qonşularımızın torpaqlarından Türkiyəni hədəfə alan təhdidlərin qarşısını kəsmək bizim beynəlxalq hüquqa əsaslanan təbii haqqımızdır. Bu gün Suriyada İŞİD ilə mübarizədə Türkiyə mühüm addımlar atır. Türk Silahlı Qüvvələrinin Azad Suriya Ordusuna verdiyi dəstək sayəsində bir çox ərazilər terrorçulardan geri alınıb. Həmin bölgənin yerli əhalisi olan suriyalı qardaşlarımız azad edilən və təhlükəsizliyin təmin olunduğu ərazilərə geri qayıdırlar. İŞİD terror təşkilatı ilə mübarizədə PKK, PYD kimi digər terror təşkilatları ilə əməkdaşlığın genişləndirilməsi Türkiyə tərəfindən müsbət qarşılana bilməz. Terrorçunun yaxşısı-pisi olmaz və terrorla beynəlxalq mübarizənin uğur qazanması üçün bu cür ikili standartlara yol verilməməlidir. Bu, Türkiyənin haqlı gözləntisidir. İraqda İŞİD ilə mübarizədə biz üzərimizə düşəni edəcəyik. Hörmətli Prezidentimizin dediyi kimi, həm masada, həm də meydanda yer alaraq İraqın sabitliyi və əmin-amanlığı üçün səy göstərəcəyik. Bu, Türkiyənin beynəlxalq müqavilələrdə təsbit edilən hüququ və tarixi məsuliyyətidir. Mosulda etnik gərginliyi artırmağa yönələn addımlar bütün bölgəni xaosa sürükləyə bilər. Bunun kimin xeyrinə olacağına xüsusilə diqqət yetirmək lazımdır.

 

Digər tərəfdən, bölgədə sülh və sabitliyə təhlükə yaradan digər problem isə Ermənistan-Azərbaycan, Dağlıq Qarabağ münaqişəsidir. Türkiyə bu problemin Azərbaycanın suverenliyi və ərazi bütövlüyü əsasında ədalətli həlli üçün atılan addımları dəstəkləməkdə və Azərbaycanın yanında yer almaqdadır”.

 

Səfir Azərbaycanın FETÖ ilə mübarizədə verdiyi töhfəni də vurğulayıb: “İnsanların dini inanclarından sui-istifadə edərək, ianə, təhsil və ticari fəaliyyət adı altında hər cür cinayət törədən və dövləti ələ keçirməyə çalışan FETÖ terror təşkilatının  cinayətlərinin ən ağırı 241 şəhid verdiyimiz, Türkiyə Böyük Millət Məclisinin və Prezident Sarayının bombalandığı 15 iyul dövlət çevrilişi cəhdidir. Sizin də dediyiniz kimi, hazırda FETÖ başda olmaqla, terror təşkilatlarına qarşı genişmiqyaslı təmizləmə əməliyyatları davam etdirilir. Bu əməliyyatlar hüquq çərçivəsində polis qüvvələri və müstəqil məhkəmə orqanları tərəfindən qətiyyətlə həyata keçirilir. Son dərəcə çətin və gərgin proses olan bu təmizləmə əməliyyatı məsələsində xoşniyyətli olmayan və ya FETÖ təbliğatının təsiri altına düşən bəzi qüvvələrin haqsız tənqidlərinə qarşı beynəlxalq platformalarda Azərbaycanı yanımızda görmək bizim üçün çox dəyərlidir. Bilirsiniz ki, bunun son örnəyini Avropa Şurası Parlament Assambleyasında yaşadıq.

 

Təəssüf ki, ölkəmizdəki terror təşkilatlarının hamısı eyni məkrli niyyət güdür. Onlar  Türkiyəni zəiflətməklə regiondakı bəzi planların həyata keçirmək istəyirlər. Yumruq kimi bir olan millətimizin qəhrəmanlığını və gücünü yaxşı hesablaya bilməyənlər 15 iyulda acınacaqlı məğlubiyyətə uğradılar. Lakin bu o demək deyil ki, 15 iyuldan sonra həmin planlar tam aradan qalxıb. Buna görə də biz hər zaman ehtiyatla davranmalı, güclü olmalıyıq”.

 

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

"Dibalanın başına tapanca dayayıb qalmasını əmr edə bilmərəm"

26 İyul 2017 14:52

Röya bağ evinin müsadirə edilməsindən danışdı

26 İyul 2017 14:52

Böyük Britaniya 2040-cı ildən dizel və benzinlə işləyən avtomobillərin satışını qadağan edəcək

26 İyul 2017 14:52

Eyyub Hüseynov: "Azərbaycanda təhlükəli yağlar satılır"

26 İyul 2017 14:49

89 yaşlı neft maqnatı ilə 26 yaşlı pul ovçusunun qəribə toyu: Buşu da işə salmışdı - FOTOLAR

26 İyul 2017 14:48

Kiyevdə otel təxliyə edildi - BOMBA həyəcanı

26 İyul 2017 14:47

Gürcüstanda bina uçdu: Ölən var

26 İyul 2017 14:47

Türkiyə Din İşlər İdarəsinin sədri istefa verəcək

26 İyul 2017 14:47

Peresin "Real"a gətirdiyi 10 ən bahalı futbolçu - SİYAHI

26 İyul 2017 14:47

Sıla ilk dəfə sevgilisi ilə əl-ələ - FOTOlar

26 İyul 2017 14:47

Azərbaycanda vəzifəli şəxs milyonlarla pul mənimsəyib - RƏSMİ

26 İyul 2017 14:44

İkinci çevriliş və sui-qəsdlər – Türkiyəni bu tarixdə VURACAQLAR

26 İyul 2017 14:43

Neft şirkətinin 10 əməkdaşı oğurlandı - Nigeriyada

26 İyul 2017 14:42

Keçmiş qayınatasının Röyaya bağışladığı bağ evi əlindən alındı - FOTO

26 İyul 2017 14:42

Şirkət rəhbəri ilə “Bank Standard”ın İdarə Heyəti sədrinin birgə törətdiyi qanunsuz əməllər ifşa edilib

26 İyul 2017 14:42

Akif Çovdarovun məhkəməsində "Vosmoy" bazarı epizodu üzrə sənədlər elan olunub

26 İyul 2017 14:42

Bakıda intihar edən şəxs xilas edilib

26 İyul 2017 14:39

Oynaq ağrılarının limon qabığı ilə müalicəsi

26 İyul 2017 14:39

Kamal Abdulla jurnalistə vəzifə verdi

26 İyul 2017 14:38

Bakıda zəncirvari qəza - tıxac yarandı

26 İyul 2017 14:37

Spaletti: ""İnter" ilk "dördlük" üçün mübarizə aparacaq"

26 İyul 2017 14:37

Sürücüsüz avtomobillər üçün ilk dayanacaq istifadəyə verilib (VİDEO)

26 İyul 2017 14:35

Türkiyəli aktrisa sərxoş oldu: ''Məni biabır etməyin, hər kəs baxır'' - FOTO

26 İyul 2017 14:32

Röya bağ evinin müsadirə edilməsindən danışdı

26 İyul 2017 14:30

Müsabiqə şərtini ödəyən abituriyentlərin SAYI

26 İyul 2017 14:29

“Ölkədə məhkəmənin ədalətinə inam azalıb” - Ermənistanın sabiq baş prokuroru

26 İyul 2017 14:28

Tbilisidə bina uçub, bir fəhlə ölüb

26 İyul 2017 14:27

Xəyanət edən ərini öldürtmək üçün iki muzdlu qatil tutdu - FOTO

26 İyul 2017 14:27

Milli Depozit Mərkəzinin dövriyyəsi 89% artıb

26 İyul 2017 14:27

Buynuzları yandırılan buğa intihar etdi - VİDEO

26 İyul 2017 14:23

Rusiya ABŞ-ı təhlükə mənbəyi hesab edir

26 İyul 2017 14:22

Nigeriyada neft şirkətinin 10 əməkdaşı oğurlanıb

26 İyul 2017 14:22

Aygün Kazımova elə FOTOLAR

26 İyul 2017 14:20

Əfqanıstanda böyük terror aktının qarşısı alındı

26 İyul 2017 14:17

"Qarabağ" 4 türk futbolçu transfer etdi

26 İyul 2017 14:17

Hansı oyun, hansı kanalda?

26 İyul 2017 14:17

Bu rayonların İH-nin fəaliyyətində ciddi nöqsanlar

26 İyul 2017 14:15

Otağında intihar edən qızın Facebook statusu görənləri dəhşətə gətirdi - FOTO

26 İyul 2017 14:12

Azərbaycanda ilk lazer proyektoru

26 İyul 2017 14:12

"Report": FED monetar sərtləşdirmə proqramını sürətləndirəcək

26 İyul 2017 14:12

Qazaxda ağır yol qəzası

26 İyul 2017 14:10

Rəsmi Moskva Vaşinqtonu TƏHLÜKƏ MƏNBƏYİ adlandırıb

26 İyul 2017 14:08

Bərdədə 4 otaqlı ev yandı

26 İyul 2017 14:05

Qəbələnin rəqibində məşqçi ayrılığı

26 İyul 2017 14:05

Azərbaycanlı jurnalistə vəzifə verildi

26 İyul 2017 14:05

"Qolumdakı döymə xaç deyil" - Mustafanın xanımı

26 İyul 2017 14:05

ERMƏNİ TƏXRİBATI: XİN və Müdafiə Nazirliyindən

26 İyul 2017 14:03

ABŞ Rusiyaya tətbiq edəcəyi sanksiyaları qanuniləşdirdi

26 İyul 2017 13:58

"Qəbələ"nin rəqibi məşqçisi ilə yolları ayırdı

26 İyul 2017 13:57

Aysel türkiyəli məşhurun klipində - FOTOlar

26 İyul 2017 13:57