AZAL-ın baş məşqçisi Tərlan Əhmədov Azərbaycan Premyer Liqasının 9-cu turu çərçivəsində "Zirə"yə qarşı keçirdikləri oyunu şərh edib. Azerisport.az xəbər verir ki, "təyyarəçilər"in çalışdırıcısı 1:1 hesabıyla bitən qarşılaşmadan sonra bunları söyləyib:
"Qələbə qazanmağı hər bir baş məşqçi istəyir. Biz də bu gün meydana bir xal yox, qələbə üçün çıxmışdıq. Amma matç heç-heçə bitibsə, deməli, hər şey ədalətlidir. Birinci hissədə uşaqlarda həyəcan var idi. İkinci yarıda daha yaxşı oynadıq. Hücumda problemlərimiz var. İkinci hücumçunu meydana buraxdım ki, qol vuraq. Çünki qələbə qazanmaq istəyirdik. Lakin bir qol da bizim üçün uğurdur. Hər iki komanda bu gün həm qalib gələ, həm də məğlub ola bilərdi". (СВС)
Milli.Az
