Çinin Şensi əyalətinin Sinmin qəsəbəsində baş verən partlayış nəticəsində 10 nəfər ölüb, 157 nəfər xəsarət alıb.
APA-nın TASS agentliyinə istinadən verdiyi xəbərə görə, hadisə zamanı bir neçə yaşayış evi və xəstəxana qismən və yaxud tam dağılıb.
Hadisə yerində axtarış-xilasetmə işləri davam etdirilir. Bununla belə, ölənlərin sayının artması ehtimalı var. Xəsarət alanlardan 11 nəfərin vəziyyətinin ağır olduğu bildirilir.
Partlayışın səbəbləri araşdırılır.