Türk aktyor və komediya ustası Cem Yılmaz bir neçə gün öncə 4 yaşlı oğlu Kamal ilə evdə keçirdiyi xoş dəqiqələrin videosunu sosial mediada paylaşmışdı.
Axşam.az Türkiyə mətbuatına istinadən xəbər verir ki, Cem Yılmaz oğlu ilə onun təhsili və gələcəyi haqqında söhbət edərək məsləhət verib.
Lakin, masanın üstündə siqaret qutusunun və külünün olması sosial media istifadəçiləri tərəfindən birmənalı qarşılanmamış, uşağının qarşısında siqaret çəkməsi tənqid edilmişdi.
Bundan sonra aktyor Kamalla yeni video çəkib və edilən tənqidləri nəzərə alıb. C.Yılmaz “Babaları yükselişi” adını verdiyi videoda oğluna dərslərində kömək edir və yeni məlumatlar öyrədir.
O, bu hərəkəti ilə izləyicilərinə özünü bağışlatdırıb və hərəkəti ilə müsbət örnək olub.
