Bakıda ağır yol qəza hadisəsi baş verib.
Milli.Az bildirir ki, Sabunçu Rayon Polis İdarəsindən Trend-ə verilən məlumata görə, hadisə oktyabrın 24-də axşam saatlarında Sabunçu rayonunun Balaxanı-Binəqədi şossesində baş verib.
Bakı şəhər sakini, 1978-ci il təvəllüdlü Leyla Mərdanovanın idarə etdiyi "Hyundai" markalı avtomobillə Arif Nuriyevin idarə etdiyi "MAN" markalı yük avtomobili ilə toqquşub. Hadisə nəticəsində L.Nuriyeva və onun oğlu, 2007-ci il təvəllüdlü Asəf Mərdanlı hadisə yerində dünyasını dəyişib.
Faktla bağlı Sabunçu Rayon Prokurorluğunda Cinayət Məcəlləsinin 263.3 (Yol hərəkəti və nəqliyyat vasitələrinin istismarı qaydalarını pozma - iki və daha çox şəxsin ölümünə səbəb olduqda) maddəsilə cinayət işi başlanıb.
Milli.Az
