Antalya Ticarət və Sənaye Palatasının binasında partlayış baş verib.
Publika.az DHA agentliyinə istinadən xəbər verir ki, hadisə nəticəsində bir avtomobil tamamilə yararsız vəziyyətə düşüb, daha 4 avtomobil və ətrafdakı binalar zərər görüb.
Hadisənin terror olub-olmadığı araşdırılır. Minalanmış avtomobilin partladıldığı iddia edilir. Ancaq səlahiyyətlilər bu məlumatı hələ təsdiqləmirlər.
Bina tamamilə boşaldılıb və ikinci bir partlayış ehtimalı ilə təhlükəsizlik tədbirləri gücləndirilib.
Şüşə qırıntılarından yaralananlar xəstəxanalara aparılıb.
Ömər Dağlı