Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

“Şrek”i qovurlar

“Şrek”i qovurlar

Date: 25 October 2016 11:08

Aleks Ferqyusonun gedişindən sonra “Mançester Yunayted” heç cür özünə gələ bilmir. Əvvəlki nüfuzunu itirən “Qırmızı şeytanlar” nəinki futbolçuları, hətta məşqçiləri də əlcək kimi dəyişir, ancaq hələ ki, faydası yoxdur.

Publika.az xəbər verir ki, rəhbərlik bu posta 21-ci əsrin ən yaxşı baş məşqçilərindən sayılan Joze Mourinyonu gətirməklə uğursuzluğun geridə qalacağını düşünürdü. Gələr-gəlməz transferlərə milyonlar xərclətdirən portuqaliyalı mütəxəssis mövsümün startında nisbətən uğurlu nəticələr əldə etdi. Ancaq vəziyyət yenə mürəkkəbdir. Son turda “Çelsi”yə böyükhesablı məğlubiyyət isə bu mürəkkəb vəziyyəti daha da qəlizləşdirdi.

Biabırçı məğlubiyyətə görə, “Xüsusi” qurban da seçib. “The Sun” nəşri iddia edir ki, Mourinyo komandanın rəmzlərindən sayılan Ueyn Runiyə qapını göstərib. Hücumçunun mövsümün əvvəlindəki çıxışından narazı qalan mütəxəssis Ueynə start heyətində yer təminatı verməyib. Hətta daimi oyun praktikası üçün başqa kluba da keçməyi məsləhət görüb.

“Çelsi” ilə vacib oyunda iştirak ərizəsinə adı düşməyən 31 yaşlı hücumçunun “Qırmızı şeytanlar”la müqaviləsinin müddəti 2019-cu ilədəkdir.

Cari mövsümün arxada qalan 8 turunda Runi 1 qol və 2 məhsuldar ötürmə ilə yadda qalıb. O, 2004-cü ildən MY-nin şərəfini qoruyur.

Pərviz Hikmət


Tags:  Şreki qovurlar

RƏYLƏR


Top news