Aktual mövzular: Dollar alış-satışı , Hava, Məzənnə, Neftin qiyməti

Əmlak Məsələləri Dövlət Komitəsinin bugünkü hərracında 31 dövlət əmlakı özəlləşdirilib

Əmlak Məsələləri Dövlət Komitəsinin bugünkü hərracında 31 dövlət əmlakı özəlləşdirilib

Əmlak Məsələləri Dövlət Komitəsinin növbəti hərracı baş tutub (14 Mart 2017 11:47)
Kərəm Həsənovun vətəndaş qəbulunun tarixi dəyişdirilib (14 Mart 2017 09:32)
Azərbaycanda 14 avtomobil ucuz qiymətə satışa çıxarılır – SİYAHI (13 Mart 2017 14:52)

Tarix: 25 Oktyabr 2016 12:22

Bakı. 25 oktyabr. REPORT.AZ/ Əmlak Məsələləri Dövlət Komitəsi (ƏMDK) dövlət əmlaklarının özəlləşdirilməsi üzrə bu gün növbəti hərracı keçirib. 
"Report" xəbər verir ki, budəfəki hərracda ümumilikdə 31 dövlət əmlakı özəlləşdirilib. Hərracda satılan əmlakların 3-ü səhmdar cəmiyyəti, 16-sı kiçik dövlət müəssisə və obyekti, 3-ü istifadəsiz qeyri-yaşayış sahəsi, 9-u isə nəqliyyat vasitəsi olub. 
Hərracda iştirak edən iddiaçılardan satışa çıxarılan əmlak üzrə hərrac qaydalarına əsasən, ən yüksək qiyməti təklif edənlər hərracın qalibi elan olunub. Bu qaliblər hərrac protokolu və alqı-satqı müqaviləsini imzalayaraq əmlak sahibi olublar. 
Hərracdan sonra bu vətəndaşların özəlləşdirdikləri əmlak üzərində mülkiyyət hüquqlarının təsdiqinə dair dövlət reyestrindən çıxarışlar da qısa müddətdə vətəndaşlara təqdim olunur.
Hərracda özəlləşdirilən 3 iri dövlət müəssisəsindən “SAM” SC sənaye, “İsmayıllı Kəndkimya” ASC aqrar, “Zaqatala Avtonəqliyyat” ASC isə nəqliyyat sahəsinə aid olan müəssisələrdir.
Hərracda satılan kiçik dövlət müəssisə və obyektlərindən 6-sı paytaxtda, 2-si Sumqayıt şəhərində, 3-ü Şəmkirdə, 2-si Gədəbəydə, 1-i Xaçmazda və 2-si isə Gəncə şəhərində yerləşir. Bu əmlakların 9-u ticarət obyekti olub, qalanları isə xidmət və ictimai iaşə sahəsinə aid olub. Özəlləşdirilən 3 istifadəsiz qeyri-yaşayış sahəsinin hamısı Bakı şəhərində yerləşir. Özəlləşən hər bir kiçik dövlət əmlakı kiçik sahibkarlığın qurulması və biznesin inkişafı üçün əlverişli daşınmaz əmlaklardır. Qeyd edək ki, Komitənin növbəti hərracı noyabrın 1-də keçiriləcək. Bu hərrac üçün 101 dövlət əmlakı satışa çıxarılıb.

Teqlər:  Əmlak Məsələləri Dövlət Komitəsinin bugünkü hərracında 31 dövlət əmlakı özəlləşdirilib



RƏYLƏR


Top xəbərlər