Bu gün futbol üzrə Azərbaycan çempionatında 9-cu tura iki oyunla yekun vurulacaq.
Publika.az xəbər verir ki, günün ilk matçında lider “Qəbələ” “Sumqayıt”ın qonağı olacaq. Şübhəsiz, günün, elə turun da maraqla gözlənilən görüşü “Neftçi”ylə “Qarabağ” arasında baş tutacaq. Premyer Liqanın iki köklü klubunun qarşılaşmasında “Qarabağ” şanslı sayılır. “Neftçi”nin vəziyyəti göz önündədi. Bu komanda tarixinin ən pis dövrünü yaşayır. “Köhlən atlar” əzəli rəqiblə matçda qələbə qazanmaqla, bu tur xal itirən “İnter”i geridə qoya bilər. Bu oyunu Azərbaycanın “El-Klassiko”su da adlandırmaq olar.
Premyer Liqa, 9-cu tur
25 oktyabr
16:00 Sumqayıt - Qəbələ
Hakimlər: Rəhim Həsənov, Namiq Hüseynov, Cavanşir Yusifov, Azər Əsgərov
Əlavə köməkçi hakimlər: İnqilab Məmmədov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Rövşən Əhmədov
Sumqayıt. Şəhər stadionu
19:00 Neftçi - Qarabağ
Hakimlər: Ramil Diniyev, Mehman Mahmudov, Akif Əmirəli, Knyaz Əmiraslanov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Mustafayev
Hakim-inspektor: Əli Hüseynov
Bakı. 8-ci km stadionu
23 oktyabr
Kəpəz - İnter 0:0
24 oktyabr
AZAL - Zirə 1:1
David Canelidze, 64 - Sezar Meza Kolli, 25-p.