Aktual mövzular: Dollar alış-satışı , Hava haqqında, Məzənnə, Neftin qiyməti

Quş üstündə davada qan tökdü, 14 İL HƏBS CƏZASI ALDI

Quş üstündə davada qan tökdü, 14 İL HƏBS CƏZASI ALDI

Date: 25 October 2016 15:39

Bakı Ağır Cinayətlər Məhkəməsində Saray qəsəbəsində qətl törətməkdə təqsirli bilinən Qüdrət Kərimovun məhkəməsi başa çatıb.

 

 

Lent.az-ın məlumatına görə, hakim Rasim Sadıqovun sədrliyi ilə keçirilən prosesdə prokuror Fərid Nağıyev ittiham nitqi ilə çıxış edib. Prokuror təqsirləndirilən Qüdrət Kərimovun törətdiyi cinayətin tam sübuta yetirildiyini deyib. O, təqsirləndirilən şəxsin 15 il 6 ay müddətinə azadlıqdan məhrum edilməsini istəyib.

 

 

Prosesdə  təqsirləndirilən şəxsin vəkili Mirzalı Süleymanov çıxışında qeyd edib ki, qətlin baş verməsinə səbəb mərhumun qanunsuz hərəkətləri olub.  “Qətl göyərçin üstündə baş verib. Kamran Qüdrəti söyüb, təhqir edib. Bu, normal bir şey deyil. Onun təhqirlərindən sonra belə bir hadisə baş verib. Qüdrətin onu öldürmək niyyəti olmayıb. “Makarov” silahı Qüdrətin mərhum atasından yadigar qalıb. Həmin gün atasına məxsus silahı qisas almaq üçün deyil, Kamran Babayevdən ehtiyat etdiyi üçün üzərində götürüb. Çünki mərhum Kamran dəfələrlə məhkum edilib, qeyri-adekvat şəxs idi. Hadisədən sonra könüllü olaraq Abşeron rayon Polis Şöbəsinə gedərək təslim olub”.

 

Prosesdə hökm oxunub. Hakimlər kollegiyasının hökmü ilə Qüdrət Kərimov 14 il müddətinə azadlıqdan məhrum edilib.

 

 

Qeyd edək ki, bu ili fevralın 2-də saat 12:50 radələrində Qüdrət Kərimov 1982-ci il təvəllüdlü Kamran Babayevi Saray qəsəbəsindəki evinin qarşısında “Makarov” markalı odlu silahla vurub. Kamran Babayev fevralın 6-da xəstəxanada vəfat edib. 

Məlum olub ki,  hadisəyə səbəb göyərçin üstündə yaranan münaqişə olub.  Hadisədən bir gün əvvəl göyərçin saxlayan Kamran Babayevlə Qüdrət arasında mübahisə sonradan davaya çevrilib. Göyərçinlərin kimə məxsus olması üstündə yaranan mübahisə qətllə nəticələnib.

Cinayəti törədən Qüdrət Kərimov polis tərəfindən saxlanılıb. 


Tags:  Quş üstündə davada qan tökdü 14 İL HƏBS CƏZASI ALDI


RƏYLƏR


Top news