Aktual mövzular: Dollar alış-satışı , Hava haqqında, Məzənnə, Neftin qiyməti

Saray qəsəbəsində qonşusunu öldürən şəxsə hökm oxunub

Saray qəsəbəsində qonşusunu öldürən şəxsə hökm oxunub

Date: 25 October 2016 15:47

Bakı. 25 oktyabr. REPORT.AZ/ Bu gün Bakı Ağır Cinayətlər Məhkəməsində qətl törətməkdə təqsirləndirilən Qüdrət Kərimovun cinayət işi üzrə məhkəmə prosesi başa çatıb.
"Report"un məlumatına görə, hakim Rasim Sadıqovun sədrliyi ilə keçirilən prosesdə hökm oxunub.
Məhkəmənin hökmü ilə Q.Kərimov 14 il müddətinə azadlıqdan məhrum edilib.
Qeyd edək ki, bu il fevralın 2-də Abşeron rayonunun Saray qəsəbəsində yaşayan Kamran Babayev evinin qarşısında boyun və kürək nahiyəsindən aldığı güllə yaraları ilə xəstəxanaya gətirilib. Abşeron rayon Polis İdarəsinin əməkdaşlarının həyata keçirdikləri əməliyyat tədbirləri ilə xəsarətin ona qonşusu, həmyerlisi Qüdrət Kərimov tərəfindən "Makarov" markalı tapançadan iki dəfə açılmış atəşlə qətlə yetirilməsi müəyyən edilib. Xəstəxanaya yerləşdirilmiş K.Babayev sonradan dünyasını dəyişib.

Tags:  Saray qəsəbəsində qonşusunu öldürən şəxsə hökm oxunub

RƏYLƏR


Top news