Aktual mövzular: Dollar alış-satışı , Hava haqqında, Məzənnə, Neftin qiyməti

1 quşa görə 14 il həbs cəzası aldı - Bakıda

1 quşa görə 14 il həbs cəzası aldı - Bakıda

Date: 25 October 2016 16:05

Bu gün Bakı Ağır Cinayətlər Məhkəməsində Saray qəsəbəsində qətl törətməkdə təqsirli bilinən Qüdrət Kərimovun cinayət işi üzrə məhkəmə prosesi başa çatıb.

Milli.Az Trend-ə istinadən bildirir ki, hakim Rasim Sadıqovun sədrliyi ilə keçirilən prosesdə prokuror Fərid Nağıyev təqsirləndirilən şəxsə 15 il 6 ay cəza istəyib. Məhkəmənin hökmü ilə Q.Kərimov 14 il müddətinə azadlıqdan məhrum edilib.

İttihama görə, bu il fevralın 2-də saat 12:50 radələrində Q.Kərimov 1982-ci il təvəllüdlü Kamran Babayevi Saray qəsəbəsindəki evinin qarşısında "Makarov" markalı odlu silahdan açdığı atəşlə qətlə yetirib.

K.Babayev fevralın 6-da xəstəxanada vəfat edib. Məlum olub ki, hadisəyə səbəb göyərçin üstündə yaranan münaqişə olub. Hadisədən bir gün əvvəl göyərçin saxlayan K.Babayevlə Q.Kərimov arasında mübahisə sonradan davaya çevirilib.

Cinayəti törədən Q.Kərimov polis tərəfindən saxlanılıb.

O, Cinayət Məcəlləsinin120.1 (qəsdən adam öldürmə) və 228.1-ci (qanunsuz olaraq odlu silah əldə etmə, saxlama və daşıma) maddələri ilə ittiham edilib.

Milli.Az


Tags:  quşa 14 il həbs cəzası aldı Bakıda

RƏYLƏR


Top news