Aktual mövzular: Dollar alış-satışı , Hava haqqında, Məzənnə, Neftin qiyməti

Darvinin əl yazması 250 min dollara satıldı

Darvinin əl yazması 250 min dollara satıldı

Date: 25 October 2016 16:23

Darvinin 1858-ci il tarixli "Növlərin Mənşəyi" kitabının 270 səhifəsinin əllə yazılmış hissəsi satılıb. Həmin səhifəni 19-cu əsr Nadir Kitablar və Şəkillər mağazası (19th Century Rare Book & Photograph Shop) sahibi Stefan Loevenzeil 250 min dollara alıb. Səhifənin arxasında Darvinin qeydləri ilə birlikdə həndəsi düsturlar da mövcuddur. İki üzü də yazılı olan səhifədə 140 söz və düzəlişlər mövcuddur.

"Növlərin Mənşəyi" Çarlz Darvinin bioloji təkamül nəzəriyyəsinin əsasını qoyan kitabıdır. 24 noyabr 1859-cu ildə ingilis təbiətşünası Çarlz Darvinin "Təbii seçim yolu ilə növlərin mənşəyi və yaşamaq uğrunda mübarizədə üstün irqlərin qorunması" adlı kitabı çap edilib. Əsərin adı 1871-ci ildə dəyişdirilərək "Növlərin mənşəyi" olub. Elm tarixində ən böyük araşdırmlardan hesab olunan sayılan əsər Darvinin 1831-36-cı illər ərzində “Biql” gəmisi ilə səyahəti, xüsusilə də Qalapaqos adasındakı təcrübələrə əsasən qələmə alınıb. Bununla məşhur təkamül nəzəriyyəsinin elmi əsası qoyulurdu. Əsərdə irəli sürülən tezislər müasir təkamül nəzəriyyəsinin özəyi kimi hələ də öz aktuallığını saxlayır. Kitab çap olunarkən geniş oxucu kütləsi və ictimaiyyətin böyük marağına səbəb olmuşdur. Əsərin 1250-lik tirajla çap olunan ilk kitab nüsxələrinin hamısı elə həmin gündəcə satılmışdı.

Dilrubə Vaqifzadə



Tags:  Darvinin əl yazması 250 min dollara satıldı

RƏYLƏR


Top news