ABŞ-da Dimmi Kimmelin təqdim etdiyi şou zamanı maraqlı anlar yaşanıb.
Publika.az xarici mediaya istinadən xəbər verir ki, ABŞ prezidenti Barak Obama “Mean Tweets” rubrikasının qonağı olub.
Rubrikada ulduzlar və siyasətçilər onların ünvanına yazılan “tvit”ləri oxuyur və zarafatla cavab verməyə çalışırlar. Obamanın oxuduğu “tvit”lərdən birinin müəllifi Respublikaçılar Partiyasından ABŞ prezidentliyinə namizəd Donald Tramp olub.
“Prezident Obama ABŞ tarixində ən pis prezident kimi qalacaq”, - “tvit”də deyilirdi.
Bu bəyanat Obamada təbəssüm doğurub. Dövlət başçısının cavabı bu şəkildə olub: “Mən ən azı prezident kimi tarixə düşəcəm”.
Obama bununla da Trampın prezident ola bilməyəcəyinə işarə vurub.
Ömər Dağlı