Aktual mövzular: Dollar alış-satışı , Hava haqqında, Məzənnə, Neftin qiyməti

"I sinfə başlayanlarla məzunlar arasında 50 min nəfər fərq var"

"I sinfə başlayanlarla məzunlar arasında 50 min nəfər fərq var"

Date: 25 October 2016 17:09

“Hər il Azərbaycanda birinci sinfə başlayan şagirdlərlə XI sinif şagirdləri arasında təxminən 50 minə yaxın fərq müşahidə olunur”.

 

APA-nın xəbərinə görə, təhsil nazirinin müavini Ceyhun Bayramov deyib ki, birinci sinfə başlayan şagirdlərin sayı daha çox olur. Bunun demoqrafik cəhətdən müsbət hal olduğunu deyən təhsil nazirinin müavini vurğulayıb ki, mövcud reallıq bir sıra aktual məsələləri gündəmə gətirir: “Son 7-8 ildə Azərbaycanda demoqrafik göstəricilər yüksəlib. 90-cı illərin sonlarında bu göstəricilər mənfi idi, müəyyən dövrdə məktəblərdə şagirdlərin sayında azalma müşahidə olunurdu. Bu gün isə bunun tam əksini yaşayırıq. Təbii ki, şagird sıxlığı ilə bağlı hesablamalar aparılır, müvafiq sənədlər, təkliflər hökumətə, müvafiq qurumlara təqdim olunur”.

 

C. Bayramov vurğulayıb ki, şagird sıxlığı problemi əsasən, Bakıda yaşanır. Onun sözlərinə görə, Təhsilin İnkişafı üzrə Dövlət Strategiyasında və digər sənədlərdə maksimal dərəcədə məktəbləri bir növbədə təşkil etmək qarşıya məqsəd qoyulsa da, bu günə kimi Bakı şəhərində buna nail olunmayıb.


Tags:  sinfə başlayanlarla məzunlar arasında 50 min nəfər fərq var


RƏYLƏR


Top news