Bir neçə gün əvvəl həbsdən çıxan Cavid Hüseynov yaşıl meydanlara qayıdıb. Fanat.Az xəbər verir ki, "Qəbələ"nin futbolçusu "Sumqayıt"la oyunda debüt edib.
Baş məşqçi Roman Qriqorçuk onu 83-cü dəqiqədə Asif Məmmədovun əvəzinə meydana buraxıb. Bununla da Cavidin 446 günlük həsrəti bitib. Hüseynov sonuncu dəfə 2015-ci il avqustun 6-da “Qəbələ” formasını geyinmişdi. Həmin gün yarımmüdafiəçi komandasının Avropa Liqasının III təsnifat mərhələsinin “Apollon”la cavab görüşündə iştirak etmişdi. Vurduğu qolla 1:0 hesablı qələbədə pay sahibi olan Hüseynov 14 aylıq fasilədən sonra yenidən heyətdə yer alıb.
Qeyd edək ki, jurnalist Rasim Əliyevin ölümü ilə bağlı həbs edilən futbolçu oktyabrın 12-də azadlığa buraxılıb.
Fanat.Az
