Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Elektron hökumət" mövzusunda Bərdə və Tərtər rayonlarında seminar keçirilib

"Elektron hökumət" mövzusunda Bərdə və Tərtər rayonlarında seminar keçirilib

Date: 25 October 2016 20:47

Bakı. 25 oktyabr.REPORT.AZ/ Rabitə və Yüksək Texnologiyalar Nazirliyi Məlumat Hesablama Mərkəzi (MHM), Prezident yanında Qeyri-Hökumət Təşkilatlarına Dövlət Dəstəyi Şurasının birgə dəstəyi ilə “Vətənpərvər Maarifçi Gənclər” İctimai Birliyi cəbhəyanı rayonlarda “Elektron hökumət” mövzusunda seminarlara start verib.
MHM-dən "Report"a daxil olan xəbərə görə, ilk seminarlar Bərdə və Tərtər rayonlarında baş tutub. Seminarlarda 100-dən çox müxtəlif yaş qruplarından olan vətəndaşlar iştirak edib. 
“Vətənpərvər Maarifçi Gənclər” İctimai Birliyinin, Məlumat Hesablama Mərkəzinin, yerli icra hakimiyyəti orqanlarının nümayəndələri və yerli sakinlərin iştirak etdiyi seminarlarda "Elektron hökumət" xidmətlərinin məmur-vətəndaş təmasının maksimum azaldılması, şəffaflığın təmin edilməsi istiqamətində əhəmiyyətindən danışılıb. Bildirilib ki, region əhalisinin “Elektron hökumət” haqqında yetərincə informasiyaya malik olmaması elektron xidmətlərdən istifadəni məhdudlaşdırır.
Seminarlarda Məlumat Hesablama Mərkəzinin nümayəndəsi portal üzrə təqdim olunan 415 elektron xidmətlər və bu xidmətlərin üstünlükləri barədə məlumat verib. Portal üzrə əhali tərəfindənən çox müraciət olunan xidmətlər barədə məlumatlar da iştirakçılarının diqqətinə çatdırılıb. Bu elektron xidmətlərdən bəziləri onlayn rejimdə təqdim edilib. 
Sonda iştirakçılara sertifikat və hədiyyələr verilib.
Xatırladaq ki, növbəti seminarlar noyabrın 4-5-də Ağdam və Goranboy rayonlarında baş tutacaq. Tədbirdə iştirak etmək istəyənlər (+994) 55 267 00 61 nömrəsinə zəng edərək müraciət edə bilərlər.




Tags:  Elektron hökumət mövzusunda Bərdə Tərtər rayonlarında seminar keçirilib



RƏYLƏR


Top news