Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Sumqayıt sakini Astarada narkotik vasitə satarkən tutulub

Sumqayıt sakini Astarada narkotik vasitə satarkən tutulub

Date: 25 October 2016 22:42

Astara. 25 oktyabr. REPORT.AZ/ Astara rayon Polis şöbəsinin əməkdaşları narkotiklərin qanunsuz dövriyyəsinə qarşı uğurlu əməliyyat keçirib.
"Report"un Cənub bürosunun verdiyi xəbərə görə, Sumqayıt sakini Astarada narkotik vasitə satarkən tutulub.
Sumqayıt şəhər sakini, Astara rayonunun Bəndəsər kəndində yaşayan 35 yaşlı Qurbanov Rauf Sabir oğlu hələlik istintaqa məlum olmayan mənbədən külli miqdarda narkotik vasitə - qurudulmuş marixuana əldə edərək Astara rayonunun Bəndəsər kəndindəki evinə gətirib. O, əməliyyat-axtarış tədbirləri çərçivəsində 14 kibrit qutusunda ümumi çəkisi 41,25 qram olmaqla qurudulmuş marixuananı şərti alıcı qismində iştirak edən şəxsə 500 manata satarkən polis əməkdaşları tərəfindən tutulub. Keçirilən əməliyyat axtarış tədbirlərinin davamı olaraq Rauf Qurbanovun Astara Bəndəsər kəndində yerləşən fərdi yaşayış evinə baxış keçirilən zaman evin zirzəmisində torbada saxladığı daha 3 kq. 560,0 qram çəkidə narkotik vasitə qurudulmuş marixuana aşkar edilərək götürülüb.
Astara RPŞ İstintaq bölməsindən narkotik vasitələrin qanunsuz dövriyəsini həyata keçirməkdə təqsirli bilinən Rauf Qurbanov əvvəllər də Azərbaycan Respublikasının CM-nin 177-ci (oğurluq) və 181-ci (dələduzluq) maddələri ilə məhkumluq həyatı yaşadığını bildirilib.
Faktla bağlı Astara rayon PŞ-nin İB-də Azərbaycan Respublikası CM-nin 234.4.3 maddəsi ilə cinayət işi başlanıb və təqsirləndirilən şəxs Rauf Qurbanov barəsində Astara rayon məhkəməsi tərəfindən 04 ay müddətində həbs qətiimkan tədbiri seçilib.



Tags:  Sumqayıt sakini Astarada narkotik vasitə satarkən tutulub

RƏYLƏR


Top news